سه‌ما
ئيرۆ ڕۆژا شەمبوويێ 30-11-2024، مەسرور بارزانی، سەرۆكێ حكومەتا هەرێما كوردستانێ پێشوازی ل میکێلێ کامێرۆتا، کۆنسۆلێ گشتییێ ئیتالیا ل هەرێما کوردستانێ کر ب هەلكەفتا ب داوی هاتنا ئەركێ وی.
د دیدارێ دا سەرۆکێ حکومەتێ سوپاسییا کۆنسۆلێ گشتییێ ئیتالیا كر بۆ كارێ وی د پێشڤەبرنا پەیوەندییێن وەلاتێ خۆ دگەل هەرێما كوردستانێدا و هیڤییا سەركەڤتنێ بۆ وی د ئەركێ وی یێ بهێتدا خواست.
ژلایێ خۆ ژی ڤە کونسۆلێ گشتییێ ئیتالیا پێزانینێن خۆ بۆ هاریکاری و هەماهەنگییا دامەزراوێن حکومەتا هەرێما کوردستانێ دیاركرن و خواستا وەلاتێ خۆ بۆ پیشڤەبرنا زێدەتر یا پەیوەندییێن دوولایەنی دووپات کر.