ناڤهندا نووچهيان – سهما
مەحما خەلیل، ئەندامێ پهرلهمانێ عێراقێ ل خۆلا پێنجێ دا ڕاگەهاند، وەزارەتا پلاندانانێ ب ڕێيا سەرژمێریا گشتی يائاكنجييان نادادپەروەری ههمبهرى شنگالێ و شنگالیان ئەنجامدا، كو ڕێژەیەکا کێم يا ئاكنجيان بۆ قەزايێ ههژمارتيه.
ئەو ئەندامێ پهرلهمانێ عێراقێ دبێژت: ” وەکو نوونەرێن ئەڤى باژێرى ل ڕوونشتنێن بهرێ يێن پەرلەمانى دا، مه هۆشدارى دا حکومەتا عێراقێ ل سهر ڤێ پلانا خراب، کو د بنەڕەتدا مافێ ژیانێ ل شنگالێ و مافێ خهڵكێ وێ دکهتە ئارمانج.”
رۆنكر ژى: مەبەست ژڤێ سەرژمێريێ دیارکرنا بوودجەیا فیدراڵ و داڕشتنا پلانا گەشەپێدانا داهاتى، هەروەسا تەرخانکرنا ڕێژەیەکا ژ سەدێ شایستەیێن بودجەيى يه بۆ پارێزگههـ و دهڤهران، بەڵێ شەرمەزارییە بۆ حکومەتێ کو ڤێ ڕێژهيا كێم بۆ ئاكنجيێن شنگالێ ههژمار كهن كو بهرى ڕوودانێن ساڵا 2014 ههژمارا وان سهر 450 هزار کەسان بوو، پشتى وێ نادادپەروەری و ئاوارەبوونێ ژ ئەنجامێ هێرشا داعش ههتا ئاوارهبوونێ، وەزارەتا پلاندانانێ ب ئەنقەست شاشى كر بۆ ههژماركرنا ژمارەيا ئاكنجيێن شنگالێ بۆ 200 هزار کەسان، زێدهبارى نهوێن ل کەمپان و ژ دەرڤەی كهمپان دژين، ئەڤه ژى ب شێوەیەکی کاریگەر مافێ نووێنەرایەتیا سیاسی يا شنگالێ و خەڵکێ وێ دشێوێنت و ڕێگريێ دكهت بۆ وەرگرتنا پشکا شنگالێ يا بودجەى و پلانێن گەشەپێدانێ.
گۆتژى: رێ بڤان کاران نادەین و ل دادگهها فیدڕاڵی دێ تانێ ل ڤێ ژمارێ دەین، كو نهدادپەروەری و سفكاتيكرنێ ب شنگالێ و خەڵکێ وێ دزانین، سەرەڕای كۆچبهربوونا ئاكنجيێن شنگالێ بۆ دهرڤهى وهڵاتى هێشتا ژمارەیا ئاكنجيێن شنگالێ زێدهتر ژ 400 هزار کەسانه.
د درێژاهيا گۆتنێن خۆ دا گۆت: ئهم وهك خهڵكێ شنگالێ نووێنهراتيا زێدهترى ئێك سهر شهش يا ئاكنجيێن پارێزگهها نەینەوا دکەین و ئەڤ داتانه ب ئەنقەست هاتينه دان بۆ هندێ شنگال ژ مافێن خۆ يێن ڕاستەقینە و ڕێژهيا نووێنەرایەتیا سیاسی بێ بههربت.