سه‌عيد جردۆ: دكۆڕبه‌ندێ مێپس دا داخوازا ئاشكراكرنا چاره‌نڤيسێ ره‌ڤانديێن ئێزدى هاته‌ كرن

شەمبوويێ 23-11-2024، سه‌عيد جردۆ، سه‌رۆكێ بنگه‌هێ لالش ل دهۆكێ، دچارچۆڤێ کۆڕبەندێ مێپس 2024 ل باژێرێ دهۆکێ ڕاگەهاند: دپانێله‌كى دا هه‌ر ئێك ژ رێبه‌ر ئه‌حمه‌د، وەزیرێ ناڤخۆ ل حکومەتا هەرێما کوردستانێ و قاسم ئه‌عره‌جى، راوێژكارێ ئه‌نجومه‌نێ ئاساييشا عيراقێ باس ل ره‌ڤانديێن ئێزدى و جێبه‌جێكرنا رێككه‌فتنا شنگالێ كرن و خالا دوپاتى ل سه‌ر هاتيه‌ كرن ئه‌و بوو رێزگرتن ل تايبه‌تمه‌نديێن هه‌موو پێكهاتێن عيراقێ بێته‌ كرن وبه‌شدار بن ل بريارا عيراقێ دا، وه‌كو بنگه‌هێ لالش چه‌ندين پرس ل دۆر ره‌وشا ئێزديان ئاراسته‌ى ئه‌عره‌جى كرن.