سه‌ما
ل ناحيا گرعزێر ل قه‌زا شنگالێ قوتابيێن دوو قوتابخانان ل به‌ر سه‌رما و خانيه‌كێ نه‌ته‌مامكرى دا ده‌واما خۆ يا سبێ و ئێڤاريان تێدا دكه‌ن، چالاكڤانه‌ك ژى دبێژت: “قوتابخانه پێدڤى ب پشته‌ڤانى يا بله‌زن”.
شه‌مبوويێ 30ى تشرينا دووێ 2024ێ، مه‌حمود به‌رغشى، ئێك ژ چالاكڤانێن مافێ مرۆڤى ل شنگالێ بۆ سه‌ما گۆت: ژبه‌ر نه‌بوونا ئاڤاهى نێزيكى 250 قوتابيێن قۆناغا بنه‌ره‌ت يێن خواندنا زمانێ عه‌ره‌بى دخانيێن نه ته‌مامكرى و بێ سه‌روبه‌ردا ده‌واما خۆ يا سبێ و ئێڤاريان دكه‌ن، زێده‌بارى مامۆستا، وانه‌بێژ، ده‌رگه‌هـ ، په‌نجه‌ره، كاره‌ب و سۆپێن گازێ لێ نينن، قوتابى ژ نه‌چارى ل به‌ر سه‌رمايێ دخوونن.
به‌رغشى گۆتژى: ئه‌ڤ هه‌ردوو خانى يێن دوو وه‌لاتيانه به‌خشينه قوتابيان داكو خواندنا خۆ تێدا به‌رده‌وام بكه‌ن و دگونجاى نينن بۆ خواندنێ.
ناڤبرى رۆنكر، وه‌كو چالاكڤانێن مافێ مرۆڤى به‌رده‌وام ڤان كێشه‌يان دگه‌هيننه لايه‌نێن په‌يوه‌نديدار و بێ ئه‌نجام بوويه، ئه‌و فشارێ و گه‌فان ل دژى مه دكه‌ن ده‌مێ ڤان كێشه‌يان به‌حس دكه‌ين.