عیدۆ بابا شێخ (عیدو حاجی ئیسماعیل) ل ساڵا 1955 ل گوندێ ئێسفنێ ل قه‌زا شێخان ل پارێزگەها نه‌ینه‌وا هاتیە سه‌ر دنیایێ، كوڕێ بابێ شێخ يێ به‌رێ و برايێ بابه‌شێخێ وه‌غه‌ركرى خرتو حاجى يه،ل سالێن هه‌فتياندا ده‌ست ب كارێ نڤيساندنێ كريه، چه‌ندين ڤه‌كۆلين و گۆتار ل گۆڤار و رۆژنامه و مالپه‌راندا وه‌شاندينه، ل سالا 1992 وه‌كو ئێكه‌م ئه‌ندام په‌رله‌مان ل خۆلا ئێكێ يا په‌رله‌مانێ كوردستانێ هاته هه‌لبژارتن، ئێك ژ دامه‌زرينه‌رێن بنگه‌هێ لالش بوويه ل سالا 1993، ئێك ژ سه‌رپه‌رشتێن ئاماده‌كرن و نڤيسينا خواندنا په‌رتووكا ئێزدياتيێ بوو بۆ وانه‌دانا قوتابيێن ئێزدى ل قوتابخانێن كوردى و ناڤه‌ندى، رۆله‌كه‌كێ گرنگ ل گه‌هاندنا ده‌نگ و خوه‌سته‌كێن ئێزديان هه‌بوو بۆ جهێن نێڤ ده‌وله‌تى ب تايبه‌ت پشتى جينۆسايدا ئێزديان ل سه‌ر ده‌ستێ تيرۆرستێن داعشێ، ل رۆژا 29/11/2020 ل ئێك ژ نه‌خۆشخانێن هه‌ولێرێ پشتى هه‌ڤركيێ ل گه‌ل نه‌خۆشيا كۆرۆنايێ وه‌غه‌ركر، ل گۆڕستا شێخالێ شه‌مسا ل قه‌زا شێخان هاته ڤه‌شارتن.
