سه‌ما
پارێزگارێ دهۆكێ ئاشكراكر، كو كۆمه‌لگه‌ها شاریا بێ رەزامەندیا خەلکێ وێ نابته ناحیە و گۆت:” ديموگرافيا ده‌ڤه‌رێ نائێته گوهۆڕين”.
دووشه‌مبوويێ 18ى تشرينا دووێ 2024ێ، د. عه‌لى ته‌ته‌ر، دكۆنگره‌كێ رۆژنامه‌ڤانى دا ده‌رباره‌ى ناحيه‌بوونا شاريا راگه‌هاند: ل ده‌ستپێكێ خه‌لكێ شاريا خواستن كو بريارێ ب ڕاگرن و لدوڤ داخوازيا وان هاته ڕاگرتن، پاشان ب مخابنى ڤه خه‌لكێ كۆمه‌لگه‌هێ بوونه دوو ده‌سته، ده‌سته‌كێ جاره‌كا دى داخوازا ناحيبه‌بوونێ كر و ئه‌ڤ برياره ده‌رچوو.
د. عه‌لى ته‌ته‌ر ئاشكراكر:” ئه‌م خه‌لكێ خۆ ئاگه‌هدار دكه‌ين كو گوهۆرێنا ديموگرافى ل شاريا په‌يدا نابت و ل نێزيك دێ سه‌ره‌دانا خه‌لكێ كه‌ين و ل گه‌لدا كۆم بين ڤه و بێى ره‌زامه‌نديا وان چ پێنگاڤ نائێنه هاڤێتن”.
پارێزگارێ دهۆكێ راگه‌هاندژى: بێى ره‌زامه‌نيا خه‌لكێ هه‌ر ده‌ڤه‌ره‌كێ چ برياران ناده‌ين ونائێنه بجهئينان،وه‌ك ياسا ژى مولكێ ئێزديان يێ پاراستيه.
ئاماژه ب وێ چه‌ندێ دا، ئارمانجا حكومه‌تا هه‌رێما كوردستانێ ژ دانانا ناحيا ئه‌وه پتر خزمه‌تا خه‌لكێ وان ده‌ڤه‌ران بێته كرن و خزمه‌تگۆزارى لێ بێنه ئه‌نجامدان.