سه‌ما
وه‌زاره‌تا خواندنا بلند و لێکۆلینێن زانستی راگه‌هاند، سه‌دا سه‌دى قوتابیان ژ که‌رکوک، شنگال، خانه‌قین و ده‌ڤه‌رێن ژ ده‌رڤه‌ى ئیداره‌یا هه‌رێما کوردستانێ هاتينه وه‌رگرتن د زانکۆیێن هه‌رێما کوردستانێ دا.
رۆژا سێشه‌مبوويێ، 26ـی تشرینا دووێ 2024، وه‌زاره‌تا خواندنا بلند و لێکۆلینێن زانستی یا حکومه‌تا هه‌رێما کوردستانێ راگه‌هاند، ب رێژا 100%ـی قوتابیێن پۆلا 12ـی ئاماده‌یی ژ که‌رکوک، شنگال، خانه‌قین و ده‌ڤه‌رێن ژ ده‌رڤه‌ى ئیداره‌یا هه‌رێما کوردستانێ د زانکۆیێن هه‌رێما کوردستانێ هاتنه وه‌رگرتن.
وه‌زاره‌تا خواندنا بلند و لێکۆلینێن زانستی یا حکومه‌تا هه‌رێما کوردستانێ رونکر، ژمارا قوتابیێن پۆلا 12ـی ئاماده‌یی ژ که‌رکوک، شنگال، خانه‌قین ده‌ڤه‌رێن ژ ده‌رڤه‌ى ئیداره‌یا هه‌رێما کوردستانێ یێن د زانکۆیێن هه‌رێما کوردستانێ دا هاتينه وه‌رگرتن نێزیکی هه‌زار قوتابی نه.
وه‌زاره‌تا خواندنا بلند و لێکۆلینا زانستی داخاز ژ هه‌مووان دکه‌ت پاش دیتنا جهێ وه‌رگرتنا خوه ب ڕێكا وێپسایتێ regayzanko.com پەیوەندیێ ب بەش و كولیژێن خۆ بكەن بۆته‌مامکرنا مامه‌له‌یا ده‌سته‌به‌رکرنا خوه د زانکۆ و په‌یمانگه‌هانێن هه‌رێما کوردستانێ دا.