ناڤەندا نووچەیان – سەما
د ڕاگەهاندنەکێدا بارەگایێ بارزانی بەلاڤکر؛ د چارچۆڤێ سەرەدانا سەرۆك بارزانی دا بۆ ڤاتیکانێ، ئەڤرۆ چارشەمبی 21ێ کانوونا دوویێ یا 2026ێ، سەرۆک مەسعود بارزانی دگەل پیتڕۆ پارۆلینی، سەرۆکوەزیرێن ڤاتیکانێ کۆمبوو.
د کۆمبوونێدا، سەرۆکوەزیرێن ڤاتیکانێ زێدەباری بخێرهاتنا سەرۆک بارزانی، سوپاسی و پێزانینێن خۆ هەبوون بۆ رۆڵێ سەرۆک بارزانی د کویرکرنا فەرهەنگا پێکڤەژیانێ و سەقامگیری و ئاسایشێ ل کوردستانێ و عیراقێ، کو بوویە ئەگەر خەلک ل کوردستانێ و عیراقێ ب ئارامی و ئاشتی بژین.
د پشکەکا دی یا دیدارێدا، ڕەوشا سیاسی و دوماهی پێشهاتێن عیراقێ و دەڤەرێ و ئەو گەفێن ل سەر پاشەڕۆژا دەڤەرێ و ب تایبەتی سووریێ هەیین، هاتنە گەنگەشەکرن.
هەروەسا پەیوەندییێن د ناڤبەرا هەرێما کوردستانێ و ڤاتیکانێدا تەوەرەکێ دی یێ وێ دیدارێ بوون.