ناڤهندا نووچهیان – سهما
رێڤەبەرییا گشتی یا سهقاناسی و عهردههژان ل هەرێما کوردستانێ، پێشبینییێن خۆ بۆ سەقایێ ئیڕۆ و سوبە بەلاڤ کرن و ڕاگەهاند، پێلهكا بارانبارینێ ل زۆربەیا دەڤەران دێ بەردەوام بت و ل هندەک دەمان دێ بتە بارانەکا ب هێز.
ئیڕۆ ئێکشەمبوویێ، رێڤەبەرییا سهقاناسیێ ئاماژە ب وێ چەندێ کر، بارانبارین ل سەرانسەری دەڤەرێن هەرێما کوردستانێ دێ بەردەوام بت و د زۆربەیا دەمان دا دێ ب شێوەیێ بارانا ناڤنجی و بهێز بت.
ل دووڤ پێشبینییان، تا دەمێن پشتی نیڤڕۆ بارانبارین دێ ب شێوەیێ كێم بت ل سەر دەڤەرێن جودا، لێ د دەمێن ئێڤاری دا، ژ ئەنجامێ زێدەبوونا نزمە پەستانییا دەریایا ناڤەڕاست، پێلا بارانبارینێ ل سەنتەرێ باژێران و دەڤەرێن چیایی دێ گەرمتر و چڕتر لێ ئێت.
دەربارەی سەقایێ سوبە دووشەمبوویێ، رێڤەبەرییا سهقاناسیێ ئاشکرا کر، پێلا بارانبارینێ دێ بەردەوام بت، د دەمێن بەرەسپێدێ دا ل سنوورێ پارێزگەها سلێمانیێ، ئیدارەیا ڕاپەڕین و پشکەک ژ گەرمیان دێ باران بارت، هەروەسا ل سنوورێ پارێزگەهێن هەولێر و دهۆکێ بارانبارین دێ ب شێوەیێ نمەباران و بارانا ناڤنجی بت.
هەر دووڤ ڕاگەهاندنێ، دهێتە پێشبینیکردن سوبە دووشەمبوویێ پلەیێن گەرمێ هەڤبەر دگەل ئیڕۆ کێمەکێ بلند ببن.
پلەیێن گەرمێ یێن پێشبینیکری بۆ سوبە دووشەمبوویێ:
-
دهۆک: 14 پلە
-
زاخۆ: 14 پلە
-
هەولێر: 14 پلە
-
پیرمام: 10 پلە
-
سۆران: 10 پلە
-
حاجی ئۆمەران: 6 پلە
-
سلێمانی: 12 پلە
-
چەمچەماڵ: 13 پلە
-
هەڵەبجە: 13 پلە
-
گەرمیان: 15 پلە