ناڤهندا نووچهیان – سهما
بۆ جارا ئێكێ دادگههێن فهرهنسا لێكۆلينێ ل سەر تاوانێن ڕێكخراوا داعش يا تيرۆرستى ل دژى ئێزدييان ئەنجامداین دكهن.
ب گۆڕهیى بهياننامهيهكێ ژ چهند ڕێكخراوێن ئێزدييان ڤه، ل تا 20ى ئادارا 2026 دێ سەبری ئەسید، يێ ب ناڤێ ئەبو دوجەنا ئەلفهرهنسى دئێته ناسین، ب غيابی ل بەردەم دادگهها تاوانێن پاریسێ دا ب توهمهتا جينۆسایدێ و تاوانێن ل دژى مرۆڤاتیێ دئێته دادگههكرن.
ئهڤ كهسێ فهرهنسى دئێته توهمەتباركرن كو ناڤبهرا سالێن 2014 بۆ 2016 ل سووریێ بەرامبەر ژن و زاڕۆكێن ئێزديان تاوانێن گران ئەنجام داينه.
هەروەسا سێ ڕزگاربوویێن ئێزدی و زاڕۆكێن وان وەکو لایەنی مەدەنی دێ بەشداریيا وێ ڕوونشتنێ كهن، ل گەل چهند ڕێكخراوێن ئێزدييان يێن پاراستنا مافێن مرۆڤى.
جينۆسايدا ئێزدييان ل سەر دهستێ داعشێ ل سالا 2014ێ روودانهكا تراژيدى بوو، كو ب ههزاران وهلاتيێن بێ گونههێن ئێزدى هاتنه كوشتن و دهربهدهر و ئاوارهبوون. هەروەسا ب ههزاران كچ و ژن و زاڕۆك و زهلام هاتنه ڕهڤاندن، و هێشتا چارهنڤيسێ زێدهترى دو ههزار كهسان يێ ديار نينه.
جينۆسايدا ئێزدييان ب شێوەيهكى فەرمی ژ ئاليێ چهندين وهلات و ڕێكخراوێن ناڤدهوڵهتى ڤه وەكو جينۆسايد هاتييه ناساندن.