سه‌رۆك بارزانی: ڕوودانێن سووريا کاریگەرییا ڕاستەوخۆ ل سەر چارەنڤیسێ سیاسی يێ هه‌موو ده‌ڤه‌رێ هەیە

سه‌رۆك بارزانی پەیامه‌ك به‌لاڤكر
ئيرۆ شەمبییێ، 07-12-2024 ێ، سەرۆک بارزانی پەیامه‌ك ده‌ربارەیی ڕوودان و گوهۆرینێن ڤێ داوییێ یێن سووریێ به‌لاڤكرن.
ئه‌ڤه‌ ده‌قێ وێیه‌:
ب ناڤێ خودایێ بەخشندە و میهرەبان
ب گرنگییه‌كا زۆرڤه‌ دووڤچوونێ بۆ ڕوودان و گوهۆرینێن ڤێ داوییێ دکەین یێن كو سووریا ڕووددەن، چونکی وان پێشهات و ڕوودانان‌ کاریگەرییا ڕاستەوخۆ ل سەر چارەنڤیسێ سیاسی و ئاسایش و سەقامگیرییا سووریێ و هه‌موو ده‌ڤه‌را مه‌ هەیە.
هیڤیدارین پێشهات و گوهۆرینێن سووریێ” د ئەنجامدا ببنە ئه‌گه‌رێ هندێ گوتۆبێژ و لێکتێگەهشتن ببیتە بنەمایێ چارەسەرکرنا ئاریشان و ڕەفتاره‌كا وه‌سا نه‌هێته‌ ئەنجامدان کو ناکۆکی و گرفتێن نەتەوەیی و تائیفی دناڤا پێکهاتێن سوریێ دا كوورتر بكه‌ت.
هەروەسا هیڤییا هندێ دخوازین كو ئه‌و ئالی ب شێوەكێ ئاشتیانە بگەهنە ڕێککەڤتنه‌كێ كو د بەرژەوەندییا هه‌موو پێکهاتێن سووریێ و پێکڤەژیان و ئاشتی و سەقامگیریییێ دا بیت.
مه‌سعود بارزانی
7ی کانوونا ئێكێ 2024