ناڤەندا نووچەیان – سەما
پەرلەمانتارەکێ عيراقێ راگەهاند، بڕیار هاتیە دان کو ژ ڤی مەهێ عیراق دابینکرنا نەفتێ بۆ سووریێ ڕاگرت، ئەڤە د دەمەکی دا کو بەری نهو عیراقێ مەهانە نێزیکی 120 هه‌زار ته‌نێن نەفتا رەش بۆ سووریێ دابین دکر.
د ڤی ده‌ربارەی دا مستەفا سەنەد، ئەندامێ پەرلەمانێ عیراقێ راگەهاند: وەلاتێ وی بڕیار دایە ژ ڤی مەهێ دابینکرنا نەفتێ بۆ سووریێ ڕاگرت، بەری نوكه عیراقێ مەهانە نێزیکی 120 هه‌زار ته‌نێن نەفتا رەش بۆ سووریێ دابین دکر، ئەڤە ژی وەک رێککەفتنەک بوو د ناڤبەرا سەرکردەیێن کۆما بەرەیێ مقاوەمێ دا دا باشتر بكارن ئیدارەیا وان دەڤەران بکەن یێن ب رێڤە دبرن.
ژلايه‌كي دى ڤه راوێژکارەکی ب ناڤێ راگەهاندنا وەزارەتا نەفتا عیراقێ، بۆ رۆژناما “العربی الجدید” راگەهاندیە، زانیاری ل سەر نەفتا عیراقێ نینن کو هناردە بهێتە کرن بۆ سووریێ، چ زانیاری نینن دەربارەی راوەستاندنا وان هناردەکرنان.
ئه‌وى راوێژکارى ئەوە ژی گۆتیە، ئەگەر نەفت بۆ سووریێ هاتبتە هنارتن، ب دڵنیاییڤە د چ داتایێن وەزارەتا نەفتا عیراقێ دا نەبوویە و ب ڕێکا قاچاخ هاتیە برن و وەزارەتێ ژی هەر هاژێ نەبوویە.
چەندین سال بوون عیراقێ نەفتا رەش ب بهایەکێ رەمزی دفرۆت وان دەڤەران یێن بەشار ئەسەد ب رێڤە دبر، ئەڤ کارە ژی وەک هاریکاریەک بۆ بەرەیێ مقاوەمێ دکر.