سه‌ما
ئيرۆ سێ شه‌مبوويێ 3ى كانوونا ئێكێ 2024ێ، مير حازم ته‌حسين به‌گ، ميرێ ئێزديان ل كوردستان، عيراق و جيهانێ بانگه‌وازييه‌كا بله‌ز ئاراسته‌ى حكومه‌تا هه‌رێما كوردستانێ و جيهانێ كر و دبێژت:”دهاوارا ئێزدیێن سووریێ هه‌رن” .
دبه‌ياننامه‌يا ميرێ ئێزديان دا هاتيه، داخوازێ ژ جڤاتا ئاسایشا نیڤ دەولەتی، نەتەوەیێن ئێکگرتی، حکومەتا عيراقێ ، حکومەتا هەرێما کوردستانێ دکەين د هاوارا ئێزدیێن سووریێ بچن ، ئەو شەڕ و ئالۆزیێن بەری چەند رۆژان ل وەلاتێ سووریا و تایبەت پارێزگەها حەلەبێ چێبووین، ئەم دلگران کرینە، ب تایبەت ژی پشتی شەڕ و ئاڵۆزی نێزیکى گوندێن ئێزدیان بووین .
هه‌روه‌سا هاتيه، هەتا نهۆ ژی ئێزدی دناڤ ئێش و ئازارێن جینۆسایدا سالا 2014 دانە، هیڤدارين جیهان خودان هەلویست بت و چ جینۆسایدێن دیتر ب سەرێ ئێزدیان دا نەئێن.
دپشكه‌كا دى يا به‌ياننامه‌ێ دا هاتيه، هه‌ژمارا ئێزدیان ل وەلاتێ سووریێ زێدەتر ژ پێنج هه‌زار کەسانە، نهۆ مەترسی هەیە روبرووی فەرمانەکا مەزن ببن، بەری نهۆ ژی ئێزدی ل وەلاتێ سووریێ ژ لایێ گرۆپێن رادیکال ڤە، بووینە ئارمانج و نهۆ ژی هەمان مەترسی هەیە.
دايه دياركرن ژى، داخوازێ ژ حکومەتێن عێراق و هەرێما کوردستانێ دکەين، ب زووترین دەم، ئێزدیان ژ ناوچەیێن شەڕ دوربێخن و ل عيراقێ و کوردستانێ پێشوازی ل وان بێتە کرن.