سەرۆك مسعود بارزانی ب هەلكەڤتا 72 سالییا دامەزراندنا ئێكەتییا ژنێن كوردستانێ پیرۆزباهی ل هەموو ژنێن و كوردستانێ كر و ڕاگەهاند، ئێكەتییا ژنێن كوردستانێ ژ دەستكەفتێن گرنگێن شۆڕەشا ئەیلوولێ بوو، ژنێن كوردستانێ ئەزموونەكا سەركەڤتی د ژیانا سیاسی و جڤاكیدا هەیە.
سەرۆك بارزانی گوت، ئێكەتییا ژنێن كوردستانێ د شوڕەش و خەباتا گەلێ كوردستانێدا ڕۆل د بەلاڤكرنا هشیارییێدا، پێگەهاندنا ژنان و بەرەڤانیكرن ژ مافان هەبوو، شوینتبلێن وان د خەباتا ڕزگاریخوازا گەلێ كوردستانێدا د دیارن.
سەرۆك مسعود بارزانی دیاركر، ئه‌و هیڤیدارن ئێكەتییا ژنێن كوردستانێ كار بۆ ب هێزكرنا هەستێ نیشتیمانپەروەرییێ دناڤ ڕێزێن خۆدا بكەن.