ناڤەندا نووچەیان – سەما
مير حازم ته‌حسين به‌گ، ميرێ ئێزديان و قاسم ئه‌عره‌جى شیره‌تكارێ ئاسایشا نیشتیمانى یا عیراقێ كۆمبوون و ره‌وشا شنگالێ به‌حسكرن.
د هه‌ڤديتنێ دا، ميرێ ئێزديان رۆناهى ئێخسته سه‌ر سه‌ر باده‌كا شنگالێ و گۆت:”ره‌وش گه‌له‌ك يا هه‌ستياره و ل سه‌ر هه‌موويان پێكڤه كاربكه‌ن بۆ چاره‌كرنا پرسگرێك و كێشه‌يان”.
ميرێ ئێزديان دوپاتكر، پێدڤيه لايه‌نێن حكومى و نێڤ ده‌وله‌تى كار بكه‌ن بۆ ڤه‌گه‌ريانا ئاواره‌يێن ئێزدى بۆ سه‌ر ده‌ڤه‌رێن خۆ و باده‌كا ئاواره‌يێ ب داوى بينن.
ئاماژه ب وێ چه‌ندێ دا، دڤێت زێده‌تر گرنگى ب ئاڤه‌دانكرنا شنگال و ده‌شتا نه‌ينه‌وا بێته دان ژئاليێ پرۆژه‌يێن خزمه‌تگۆزارى ڤه.
بۆ زانين ميرێ ئێزديان ب سه‌ره‌دانه‌كا فه‌رمى ل به‌غدايێ يه و چه‌ندين ديدار ل گه‌ل سه‌رۆكوه‌زيران و به‌رپرسێن حكومى يێن عيراقێ ئه‌نجامدينه.