ناڤەندا نووچەیان – سەما
جڤاتا ئێزديێن سووريێ ئاشكراكر، ره‌وشا ئێمناهيێ ل هه‌ردوو تاخێن ئه‌شره‌فيێ و شێخ مه‌قسوود ل باژێرێ حه‌له‌بێ تا راده‌يه‌كى ئارام بوويه، هێشتا ديار نينه دێ چاره‌نڤيسێ ئێزديێن هه‌ردو تاخان چه‌وان بت.
ل گۆڕه‌ى به‌ياننامه‌يه‌كا جڤاتا ئێزديێن سووريێ، هنده‌ك لايه‌ن بزاڤێ دكه‌ن ئاواره‌يێن ئێزدى نه‌ڤه‌گه‌رنه ده‌ڤه‌رێن خۆ ل باژێرێ عه‌فرينێ و به‌ره‌ڤ چه‌ند ده‌ڤه‌رێن دى ببه‌ن.
ل رۆژا شه‌مبوويێ 7ى تشرينا دووێ 2024ێ، كندال ره‌مۆ، ئه‌ندامێ جڤاتا ئێزديێن سووريا بۆ سه‌ما راگه‌هاند: دڤێ ره‌وشا ئالۆز يا نۆكه ل سووريێ په‌يدابوويى، داخوازێ ل ئاواره‌يێن ئێزدى ل حه‌له‌بێ دكه‌ين ڤه‌گه‌رنه ده‌ڤه‌رێن خۆ ل عه‌فرينێ و ل وێده‌رێ ده‌زگه‌هێ خێرخوازيێ بارزانى و چه‌ند رێكخراوێن دى يێن مرۆڤى هاريكاريا ئاواران دكه‌ن.
شه‌رێ سووريێ به‌رفره‌هتر دبت و پشتى ئالۆزیێن چه‌ند رۆژێن بۆرى هێدى هێدى حكومه‌تا سووریا باژێڕان چوول دكه‌ت و گرۆپێن چه‌كدار يێن سه‌ر ب توركيا ڤه دچنه دناڤا پارێزگه‌هێن وێ دا.