ناڤەندا نووچەیان – سەما
جڤاتا ئێزديێن سووريێ رادگه‌هينت: پێدڤیە مافێ پێکهاتەیێن ئاینی و نەتەوەیی ل سووريا نوو دا بێنە پاراستن.
رژێما سووریێ پشتى پتر ژ 50 سالان ژ حوکمرانیێ ژناڤچوو، ئەڤ گوهۆڕینە دەلیڤەنە کو سوریایەکا نوو یا دیموکراسی بێتە ئاڤاکرن.
شه‌مبوويێ 14ى كانوونا ئێكێ 2024ێ، كندال ره‌مۆ، ئەندامێ جڤاتا ئێزدیێن سووریێ بۆ سه‌ما راگەهاند: کەس ناخوازت سووریا پارچە پارچە بت لێ د سووریا نوو دا پێدڤیە مافێن پێکهاتەیێن ئاینی و نەتەوەیی بێنە پاراستن و ب ئازادی بژین.
کەندال رەمۆ گۆتژى: نامەیا مە بۆ هەموو خەلکێ سووریێ ئەوە دەمێ ناڤێ سووریا دئێت نە ب تنێ سووریا یا عەرەبان بت، بەلکویا هەموو ئاین و نەتەوەیان بت و سووریا فیدرالی بت و ل سەر بنەمایێ دیموکراسیێ ئاڤا بت.
راگه‌هاند ژى، دخوازین مافێن کوردان بێنە پاراستن و سته‌م و زۆردارى ل سەر پێکهاتەیێن سووریێ نەمینت و خەلکێ سووریێ ل بن دەستیێ رزگار بت.
8ى ڤێ مه‌هێ گرۆپێن چه‌كدار يێن سه‌ر ب تووركيا ڤه، دیمەشقا پايته‌خێ سووريێ کۆنترۆڵکر و داوى ب دەسەڵاتا بەشار ئەسەدی سەرۆکێ وى وه‌لاتى ئينا.