ناڤەندا نووچەیان – سەما
مير حازم ته‌حسين به‌گ، ميرێ ئێزديان ل كوردستان، عيراقێ وجيهانێ سه‌ره‌دانا كه‌مپا مام ره‌شان يا ئاواره‌يێن ئێزدى ل قه‌زا شێخان كر و ژ نێزيك ڤه هايدارى ره‌وشا ئاواره‌يان بوو.
ميرێ ئێزديان ل ره‌وشا په‌نابه‌رێن ئێزدى پرسى يێن ژ سووريێ كۆچبه‌رى لوبنانێ بووين و دووڤدا هاتينه هه‌رێما كوردستانێ و ل كه‌مپا مام ره‌شان دا هاتينه ئاكنجيكرن.
هه‌روه‌سا ب هه‌لكه‌فتا هاتنا ڕۆژيێن ئێزى، ميرێ ئێزديان هاريكاريێن دارايى ل سه‌ر خێزانێن په‌نابه‌رێن ئێزدى دابه‌شكرن و خواست سه‌ره‌دانا په‌رستگه‌ها لالش بكه‌ن ژبۆ بهێزكرنا په‌يوه‌نديێن كه‌لتۆرى و ئاينى ل جڤاكێ ئێزدى دا.
ميرێ ئێزديان ئێش و ئازارێن ئێزديێن سووريێ ل گه‌ل نوونه‌رێن نه‌ته‌وه‌يێن ئێكگرتى و لايه‌نێن شۆله‌ژێ گۆتوبێژكرن و ته‌كه‌زكر، پێدڤيه بله‌ز ل هانا وان بچن و مافێن وان بپارێزن و ره‌وشا وان يا مرۆڤى باشتر بكه‌ن.