ناڤهندا نووچهيان – سهما
ئيرۆ ئێك شهمبوويێ 26ـى نيسانا 2026، ب سهرپهرشتیيا د. عهلى تهتهر، پارێزگارێ دهۆكێ و ب ئامادهبوونا ههدار عهبدولمهجید داواكارا گشتی ل پارێزگههێ و قایمقامێن قهزایێن دهۆكێ و ڕێڤهبهرێن گشتی یێن دامۆدهزگههێن پهیوهندیدار كۆمبوونهكا بهرفرههـ هاته ئهنجامدان.
ئهڤ كۆمبوونه د چارچۆڤێ جێبهجێكرنا بڕیارێن وهزارهتا نافخۆ و ڕێكار و ڕێنمایێن كۆمبوونا ههفتیا دهربازبووى بوو ل دۆر پاراستنا ژینگههێ ل پارێزگهها دهۆكێ ب ڕێڤهچۆ.
ڕاگههاندنا پارێزگهها دهۆكێ بهلاڤ كرييه، د كۆمبوونێ دا تهكهزى ل سهر گرنگیيا بلندكرنا ئاستێ هشیاریا ژینگههێ د ناڤ جڤاكى دا و جێبهجێكرنا ئهركێ دامودهزگههیێن پهیوهندیدار هاته كرن، ههروهسا پلانێن نوو بۆ زێدهكرنا ڕێژهیا كهسكاتیيێ هاتنه گوتۆبێژكرن.
پارێزگارێ دهۆكێ ئالييێن پهیوهندیدار ڕاسپاردن كو ب جدی كار ل سهر دابینكرنا ژینگهههكا ساخلهمتر بكهن و دووڤچوونهكا كارا بۆ وان كهسان بكهن یێن ژینگههێ پیس دكهن یان تێكددهن، دا كو ڕێكارێن یاسایى ل ههمبهر وان بێنه گرتنه بهر.