ناڤەندا نووچەیان – سەما
ئيرۆ سێشەمبێ، 6ـى چريا ئێکێ 2026، ب هه‌لكه‌فتا جەژنا جەمایێ، سەرۆک بارزانی پەیامەکا پیرۆزباهییێ ڕابه‌رى خوشک و برایێن ئێزدی ل کوردستانێ و جیهانێ دکەت و هیڤیخوازە هەموو جەژن و هه‌لكه‌فتێن خۆ د ئارامی و تەناهییێ دا بۆرينن، هەروەسا پشتڕاستییێ ددەتە خوشک و برایێن ئێزدی کو هەرده‌م دێ پشته‌ڤانێ پاراستنا ماف و داخوازییێن وان یێن ڕەوا بت.
پەیاما سەرۆک بارزانی بۆ جه‌ژنا جه‌مايێ یا ئێزدييان
ب ناڤێ خودایێ مەزن و دلۆڤان
ب هەلكەفتا جەژنا جه‌ما یا خوشك و برایێن ئێزیدی پیرۆزباهییەكا گەرم ل جڤاتا رۆحانی و ئۆلدار و هەمی ئێزیدیێت كوردستانێ و جیهانێ دكەم.
هیڤیدارم خوشک و برایێت ئێزیدی هەمی جەژن و هەلكەفتێت خۆ د ئارامی و تەناهیێ دا ب ئازادانه ببەنە سەر. بڤێ هه‌لكه‌فتێ خوشك و برایێن ئێزیدی پشت ڕاست دكه‌م كو هەردەم پاڵپشتیێ ل پاراستنا ماف و داخوازیێن وان یێن ره‌وا دكه‌ین.
بمینن د خێر و خۆشییاندا.