ناڤه‌ندا نووچه‌یان – سه‌ما
بتری 300 خێزانێن ئێزدی ل پارێزگه‌ها حه‌له‌بێ ل سووريێ ئاواره‌بوون و دره‌وشه‌كا خراب دا دژين و ژ هاريكاريێن مرۆڤى بێ به‌هرن.
ل گۆڕه‌ى زانياريێن ب ده‌ست سه‌ما كه‌فتين، به‌رى هێرشا گرۆپێن چه‌كدار يێن سه‌ر ب توركيا ڤه بۆ سه‌ر پارێزگه‌ها حه‌له‌بێ يا سووريێ، نێزيكى 5هه‌زار ئێزدى ل وى باژێرى ب تايبه‌ت ل تاخێن ئه‌شره‌فيێ و شێخ مه‌قسوود و ده‌ردۆران ئاكنجى بوون.
ئێك شه‌مبوويێ 22ى كانوونا ئێكێ 2024ێ، جابر جندۆ، چالاكڤانێ ئێزدى دبياڤێ مافێ مرۆڤى دا بۆ سه‌ما راگه‌هاند: پشتى شه‌ڕ و ئالۆزيێن ل سووريێ چێبووين، ره‌وشا ئێزديان خرابه و پترى 300 خێزانێن ئێزدی ژ پارێزگه‌ها حه‌له‌بێ ئاواره‌يى ده‌ڤه‌را جزیرێ بووینه و پشكه‌ك ژێ چووینه عه‌فرینێ.
جندۆ دبێژت:” ئاواره‌يێن ئێزدى دناڤا مالاندا هاتينه ڤه‌حواندن و ژ هه‌موو جۆرێن هاريكاريان ژلايێ رێكخراوێن مرۆڤی يێن نێڤ ده‌وله‌تى ڤه بێ به‌هرن و د ره‌وشه‌كا خراب دا دژین”.
ناڤبرى گۆتژى: ژبه‌ر ره‌وشا ئالۆز ل سووريێ ئاواره‌يێن ئێزدى نكارن ڤه‌گه‌رنه ده‌ڤه‌رێن خۆ ڤه.
ل 26ى تشرينا دووێ 2024ێ، گرۆپێن چه‌كدار يێن سه‌ر ب توركيا ڤه هێرشى پارێزگه‌ها حه‌له‌بێ يا سووريێ كرن و ژ ئه‌نجاما وێ هێرشێ ب هه‌زاران كورد و دناڤدا ئێزدى ده‌ربه‌ده‌ر و ئاواره‌بوون.