ناڤەندا نووچەیان – سەما
ل ناحیا باشیکێ، پەیکەرێ جیلان بەرجەس، جانگۆریا ئێزدی، هاتە دانان وەک نیشانی و رێزگرتنەک ژ بۆ جانگۆری و بەرخودانا خەڵکێ شنگالێ، ب تایبەتی کچێن ئێزدی کو وەک هێمایا شەرەف و سەربلندیێ هاتینە نیاسین.
رێڤەبەرییا باژێرڤانيا باشیکێ د بیانەکێ دا ڕاگەهاندییە، چێکرنا ڤی پەیکەری ژ بۆ وێ چەندێ یە، دا کو بێتە دیارکرن، رێزگرتن ل جانگۆریا شەرەفێ جیلان بەرجەس و هەموو جانگۆریێن ئێزدی، د وژدانێ مەدایە، ئەوان د ژیانا خۆ دا، سەرەرایی هەموو دەرد و نەخۆشیان، خۆ ڕادەست نەکرن .
زانیاری دەرباره‌ى جیلان بەرجەس:
جیلان بەرجەس نایف، ژ دایکبوویا ناحیا گرعزێریە، ژلایێ تيرۆرستێن داعش ڤە ل سالا 2014 مالبەتا وێ هاتبوو جینۆسایدکرن، پشتی هنگێ ژلایێ داعش ڤە هاتە ڕەڤاندن، دەمێ جیلان ئێخسیر خۆ رادەستی داعش نەکر، ل 20 هەیڤا 8 یا هەمان سال ، د دەستێ داعش دا، ل قەزا بەعاج داوی ب ژیانا خۆ ئینا، ئەو ژی پشتی رەهێن دەستێ خۆ بڕین، نەهێلا ببتە کوێله ژبۆ داعش.
نیشانا سمبوول و هێما:
هەلویست و فیداکاریا جیلان بەرجەس وەک سمبوولا شەرەف و قوربانیێ بوو، ب تایبەتی ژبۆ کچێن ئێزدی، یێن کەفتینە دەستێ داعش دا، و خۆ ڕادەست نەکرین.
پەیکەرێ جیلان پێشتر ژی ل ناحیا گرعزێر هاتبوو دانان، و دووەم پەیکەر ژی ل ناحیا باشیکێ ژبۆ وێ هاتە دانان.