ناڤه‌ندا نووچه‌یان – سه‌ما
ب بزاڤێن په‌رله‌مانتارێن پارتى ل به‌غدايێ، پێنگاڤێن ئێكێ يێن دروستكرنا به‌نداڤێن ستراتيژى ل قه‌زا شنگالێ و ناحيا گرعزێر ده‌ستپێكر.
مه‌حما خه‌ليل، ئه‌ندامێ په‌رله‌مانێ عيراقێ ل سه‌ر فراكسيۆنا پارتى ديموكراتى كوردستان ڕاگه‌هاند: ب بزاڤێن وان يێن به‌رده‌وام بۆ پتر خزمه‌تكرنا خه‌ڵكێ ده‌ڤه‌رێ، وه‌زاره‌تا ژێده‌رێن ئاڤێ يا عيراقێ ڕه‌زامه‌ندى ل سه‌ر دروستكرنا هه‌فت به‌نداڤێن ئاڤێ يێن بچووك ل شنگالێ و ناحيا گرعزێر دايه.
مه‌حما خه‌ليل دبێژت: جهێن په‌يوه‌نديدار ده‌ست ب ڤه‌ديتنان بۆ ده‌ستنيشانكرنا جهى بۆ ئێكه‌م به‌نداڤ كر.
گۆتژى: كارێن ڤه‌ديتنێ بۆ جهێ به‌نداڤان ل ڕۆژێن بێت دێ به‌رده‌وام بت.
ئاماژه ب وێ چه‌ندێ دا، ئه‌ڤه پێنگاڤه‌كا گرنگه به‌ره‌ف بده‌ستڤه‌ئينانا پرۆژه‌كێ ستراتيژى کو ئاسایشا ئاڤی بەهێزبکەت و پشتگیریکرنا گەشەکرنا بەردەوام ل قەزا شنگالێ دا بکەت.
ماوێ چه‌ندين ساڵانه كێشه‌يا كێميا ئاڤێ ل پتريا ده‌ڤه‌رێن قه‌زا شنگالێ سه‌رهڵدايه و خه‌ڵك ژنه‌چارى ئاڤێ ب تانكان دكڕن.