ناڤەندا نووچەیان – سەما
بابێ شێخێ ئێزديان د پەیامەکێ دا جەژنا ژدایکبوونا حه‌زره‌تێ مەسیح ‘سلاڤ لێ بن’، ل كريستيانێن کوردستانێ و عیراقێ و جیهانێ پیرۆز دکەت و تێدا ته‌كه‌زى ل خورتكرنا پيكڤه‌ژيانێ كر و خواست ئەڤ هەلکەفتە دەستپێکەک بت بۆ بەرقراربوونا ئاشتی و ئارامی و سەقامگیریێ ل ده‌ڤه‌را مە و هەموو جیهانێ.
ده‌قێ په‌ياما بابێ شێخ:
ب هەلکەفتا سەرێ سالا نوو یا زایینی و ژدایکبوونا حه‌زره‌تێ مەسیح ‘سلاڤ ل سەر بن’، گه‌رمترين پیرۆزباهییێن خۆ ئاراستەیی هەموو خویشک و برایێن کريستیان ل کوردستان و عیراق و جیهانێ دکەم.
ئەم دوعا ژ خودایێ مەزن دکەین کو ئەڤ رۆژێن پیرۆز ببنە دەستپێکەکا خێرێ بۆ هەموو مرۆڤایەتیێ، و ئاشتی بەربەلاڤ ببت ل سەرانسەری جیهانێ، و پەیوەندیێن خۆشتڤيێ، برایەتیێ، لێبوورینێ، و پێکڤەژیانێ د ناڤبەرا هەموو ئایین، نەتەوە، و مەزهەبان دا ل کوردستانێ و عیراقێ خورت و بهێز ببن.
جەژنا وە پیرۆز بت و هەر ساڵ بخێر و خۆشى بكه‌ن.
بابێ شێخ
شێخ عەلی شێخ ئەلیاس
24/12/2025