ناڤەندا نووچەیان – سەما
په‌رله‌مانتاره‌كێ ئێزدى بە‌رپرسیاریا تە‌مام یا ڕوودانێن ڕۆژانە یێن ل سە‌ر ڕێکا شنگال-تە‌له‌عفە‌رروودده‌ن، ئێخستە ستویێ ڕێڤە‌بە‌ریا ڕێک و پرێن گشتی و نە‌ینە‌وا و حکومەتا خوه‌جهـ ، ژبە‌ر تێكچوون و نه‌سه‌خبێركرنا ڕێکێ.
مه‌حما خه‌ليل، ئه‌ندامێ ئه‌نجوومه‌نێ نوونه‌رێن عيراقێ دبه‌ياننامه‌يه‌كێ دا راگه‌هاند: کو ئە‌ڤ ڕوودانە گیانێ ب هه‌زاران کە‌سێن بێ گونە‌هـ ژ خە‌لکێ شنگالێ ژ دە‌ست داينە،دیار ژى کر، سە‌رە‌ڕای هە‌بوونا ڕە‌زامە‌ندیێن دارایی یێن تە‌رخانکری بۆ سه‌خبێركرنا ڤێ ڕێکا گرنگ، لێ خۆ دوورکرنا بە‌ردە‌وام ژ جێبە‌جێکرنێ هه‌يه و گوهنە‌دانە‌کا مە‌زنە بۆ ئە‌رکێ ڤان لایە‌نا بە‌رامبە‌ر گیانێ وە‌لاتیان.
ئه‌ندامێ ئه‌نجوومه‌نێ نوونه‌رێن عيراقێ دبێژت: ” ئە‌ڤ ڕێک بوویە سیمبۆلێ (ڕێکا مرنێ) ل شوونا کو ببتە دە‌مارێ ژیانێ یێ خزمە‌تا خە‌لکێ دە‌ڤە‌رێ بکە‌ت”.
هه‌روه‌سا گۆت: ” ب ناڤێ شە‌هیدێن ل سە‌ر ڤێ ڕێکێ کە‌فتین و ب ناڤێ مەغدوريا خە‌لکێ شنگالێ، داخواز کر کو بلە‌ز کارێن سه‌خبێركرن و نووکرنا ڕێکێ بێنە جێبە‌جێکرن داکو سلامە‌تیا بکارئینە‌را بێتە پاراستن”.
دیار ژى کر، ڕزگارکرنا گیانێ بێ گونە‌ها نە تنێ بە‌رپرسیاریە‌کا ئە‌خلاقیە، بە‌لکو ئە‌رکە‌کێ یاسایی و مرۆڤایە‌تیە کو نابت بێتە پشتگوهـ خستن یان گوهـ نە‌دان.