ناڤەندا نووچەیان – سەما
سەرۆکێ حکومەتا هەرێما کوردستانێ ل گەل بەرپرسێن بلندێن حکومی و سەرکردەیێن ئالييێن سیاسی یێن عێراقێ دێ کۆم بت.
سبا ئيرۆ شەمبوويێ، 23ـى ئهیارا 2026، مەسرور بارزانی، سەرۆکێ حکومەتا هەرێما کوردستانێ، ژ فڕۆکخانهيا نێڤدەولەتى یا هەولێرێ بەرەف بەغدایا پایتەختێ عێراقێ ب ڕێ کەفت.
د ڤێ سەرەدانێ دا کو دێ دو ڕۆژان ڤهکێشت، سەرۆکێ حکومەتا هەرێما کوردستانێ ل گەل عەلی زەیدی، سەرۆکوەزیرێن نوو یێ فیدڕال؛ هەیبەت حەلبووسی، سەرۆکێ پەرلەمانی؛ فایەق زێدان، سەرۆکێ جڤاتا بلند یا دادوەری یا عێراقێ و ژمارەکا سەرکردەیێن هێزێن سیاسی یێن شیعە و سوننە کۆم بت، کو كاريگهرن ل سەر گۆڕەپان و پرۆسەیا سیاسی یا عێراقێ.
ب گۆڕهيى ڕاگەهاندنا حکومەتا هەرێما کوردستانێ، د کۆمبوونان دا، زێدەباری گەنگەشەکرنێ ل سەر داوى گوهۆڕين و پێشڤەچۆنێن ڕەوشا گشتى یا عێراقێ و دەڤەرێ، چارەسەرکرنا ئاریشەیێن هەلاویستی یێن د ناڤبەرا هەرێما کوردستانێ و حکومەتا فیدڕال دا ل سەر بنەمایێ دەستووری، دێ ئێتە بەحس کرن.