سه‌ما
په‌يڤدارا فراكسیۆنا پارتى دیموكراتى كوردستان ل په‌رله‌مانێ عيراقێ ڕاگه‌هاند، پێدڤیە حکومەتا عێراقێ سنورێن خۆ دگەل سوریا قايم بکەت.
ڤيان ده‌خيل، په‌يڤدارا فراكسیۆنا پارتى دیموكراتى كوردستان ل په‌رله‌مانێ عيراقێ ڕاگەهاند: مه‌ترسى هه‌يه سيناريۆيا حه‌له‌بێ ل عيراقێ دووبار ببت ڤه، له‌وا پێدڤیە حکومەتا عێراقێ سنورێن خۆ دگەل سوریا قايم بکەت.
رۆنكر ژى، ل سه‌ر حكومه‌تا عيراقێ رێ نەدەت گرۆپێن چەکدار ده‌ربازى ئاخا وێ ببن و سیناریۆیا ساڵا 2014ێ دووبارە بت.
دەما سێ رۆژانە چەکدارێن ئۆپۆزسیۆنا ئیسلامی ل باکۆرێ سووریێ هێرش دکەنە سەر رژێما ئەسەدی و د 8 سالێن بۆری دا ئەڤە ئێکەم جارە ئۆپۆزسیۆن دشێت باژێڕەکێ وەک حەلەبێ و گوندەوارێن وێ ژ دەست رژێمێ دەردئێخت.
وه‌زاره‌تا به‌ره‌ڤانيا عيراقێ ژى راگه‌هانديه، سنوورێ ل ناڤبه‌را عيراقێ و سووريێ دا يێ پاراستيه و دئاماده‌باشيێ دانه بۆ هه‌ر پێكدانه‌كێ.