دەزگەهێ خێرخوازی یێ بارزانی پشتەڤانییا پرۆژەیەکێ پیشەیی دکەت

نووچەیان – سەما
ئۆفیسا شنگال یا دەزگەهێ خێرخوازی یێ بارزانی
پرۆژەیەکێ پیشەیی ڤەکر و دەلیڤەیێن کاری بۆ گەنجان دابین دکەت.

ل گۆڕەیی ڕاگەهاندنا دەزگەهێ خێرخوازی یێ بارزانی، د چارچۆڤێ بزاڤێن بەردەوام یێن بۆ پەیداکرنا دەلیڤێن کاری و پێشئێخستنا شیانێن ئابۆری یێن وەلاتییان، ئۆفیسا شنگال یا دەزگەهێ خێرخوازی یێ بارزانی ب هەڤکاری دگەل کەنیسەیا “تویڤن” یا سویسری، پرۆژەیەکێ پشتەڤانییا پیشەیی بۆ دو ئاسنگەران ل کۆمەلگەها “بۆرک” يا سەر ب قەزا شنگالێ ڤە بجهئینا.
د ڕێورەسمەکێ دا دکانەک ب هەموو کەلوپەل و ئامیرێن پێدڤی یێن پیشەیا ئاسنگەرییێ کو تێچوویێ وێ (10,200,000) دە ملیۆن و دووسەد هەزار دینارێن عێراقی بوون، ڕادەستی وان دو خودان پیشەیان هاتەکرن.

ئارمانج ژ ڤی پرۆژەیی، ب هێزکرنا ژێرخانا دارایی یا خێزانێن وان، ب خودانکرنا وان و پەیداکرنا ژێدەرەکێ داهاتی یێ بەردەوامە بۆ وان دا کو بکارن شیانێن خۆ پێشبێخن.

دەزگەهێ خێرخوازی یێ بارزانی تەکەزێ ل سەر بەردەوامییا پرۆژەیێن کچک و دابینکرنا ژێدەرێ داهاتی دکەت، ب مەبەستا پالپشتیکرنا وان کەسێن ب شیان و پێدڤی کو دڤێن پیشەیا خۆ پێشبێخن، لێ شیانێن دابینکرنا پێدڤییێن سەرەتایی نینن، دا کو ب ڤێ ڕێ ژیانەکا سەربلند و باشتر بۆ وەلاتییان بێتە دابین کرن.