سه‌ما
هێرشێن گرۆپێن راديكالى بۆ كۆنترۆلكرنا باژێرێ حه‌له‌بێ ل سووريێ دبه‌رده‌وامن و مه‌ترسى ل سه‌ر ژيانا نێزيكى 6 هه‌زار ئێزديان هه‌يه.
ئێك شه‌مبوويێ 01-12-2024،عه‌لی عیسۆ، رێڤه‌به‌رێ سازيا ئێزدینا بۆ ديكيۆمێنتكرنا پێشلكاريان ل دژى ئێزديان بۆ سه‌ما گۆت: ب هه‌زاران ئێزدى ژ لوبنانێ و عه‌فرينێ ژبه‌ر هێرشان كۆچبه‌رى حه‌له‌بێ بووينه و نها ل وێده‌رێ ژيانا خۆ ده‌رباز دكه‌ن و ره‌وشا ئێمناهيێ ل وى باژێرى يا سه‌قامگير نينه.
رێڤه‌به‌رێ سازيا ئێزدینا رۆنكر، پشتى هێرشا گرۆپێن راديكالى بۆ سه‌ر باژێرێ حه‌له‌بێ ل سووريێ، ژيانا نێزيكى 6 هه‌زار ئێزديان دمه‌ترسيێ دايه.
عه‌لى عيسۆ ڕاگه‌هاند ژى، پێدڤيه ئێزدى ل وى باژێرى خۆ بپارێزن و ژ مالێن خۆ نه‌ده‌ركه‌ڤن هه‌تا رۆژا ئاراميێ بخۆڤه دبينت.