سه‌ما
کێمیا کالسیۆمێ دبیتە ئەگەرێ بێهێزبوونا هەستیک و زێدەبوونا مەترسیا شکەستن و بچویکبوونا هەستیکان، ژبەر هندێ گەلەک یا گرنگە چاڤدێریا وی زۆر یا پێدڤیە بۆ ڕێکگرتن ژ ئاریشێن ساخلەمیێ.
ل دویڤ ڕاپورتەکا ” WEBMD ” ئەو کەسێن کو ژبەر کێمیا کالسیومی دناڵن گەلەک تووشی ئێشانێن زۆر دبن ب تایبەتی ژن ل دەمێ عادەیا هەیڤانەدا، ل ڤێرێ چەند نیشانێن کێمیا کالسیۆمی دێ بەرچاڤ کەین، ب ڤی شێوەی:
– ئێشانا ددانان
کالسیوم بۆ هەستی و ددانێن تە گەلەک یێ گرنگە، ئەگەر ئاستێ کالسیۆمی کێم ببیت، دێ هەست ب ئێشانەکا زۆر یا ددانان کەی، هەروەسا زێدەتر دێ تووشی نەخۆشیێن پێدیێن ددانان بی هەتا پشتی پاراستنا پاقژیا باش یا دەڤ و ددانانژی.
– تێکچوونا ماسولکان
کالسیۆم ژێدەرەکێ گرنگە بۆ کارکرنا ماسولکان، ژبەر هندێ کێمیا کالسیۆمێ دێ بیتە ئەگەرێ بێهێزبوونا ماسولکان.
– نینۆک شکەستن
بێهێزبوون و شکەستنا نینوکان ئێک ژ نیشانێن کێمبوونا کالسیۆمێیە د لەشیدا.
– ماندیبوونا بەردەوام
کێمیا کالسیۆمێ دبیتە ئەگەرێ کێمبوونا ئاستێ هێزێ و هەستکرن ب ماندیبوون و بێهێزیا بەردەوام.
