سه‌ما
نۆشدارەکێ تایبەتمەندێ دلی ل روسیا پشتڕاستکریە کو سەرئێشانا دژوار و بلندبوونا فشارا خوینێ رەنگە ئاماژەیەك بن بۆ نێزیکبوونا جەلتا دلی یان جەلتا مەژی.
ل دووڤ پەیامەکێ ماڵپەڕێ” ئاژانسا پەیامێن عێراقی”، یارۆسلاڤ ئاشیخ مین نۆشدارێ تایبەتمەندێ دلی راگەهاند،”ڕەنگە بەری جەلتا مەژی سەرئێشانەکا دژوار دروست ببیت، لەورا د وی حاڵەتی دا دڤێت چاڤدێریا ئاستێ فشارا خوینێ بهێتەکرن، ئەگەر ل 90/140 ملم زێدەتر بیت، ئەڤە ئاماژەیە بۆ حالەتەکێ مەترسیدار.
ئەو تایبەتمەند دبێژیت: ئازار و تەنکبوونا ماسولکێن دلی و جەلتا مەژی، تووشی جگارەکێشان و ئەوان کەسان دبن کو کێشا وان یا زێدەبیت و قەڵەوی و بلندبوونا فشارا خوینێ هەبن، رێنمایان ددەت کو چاڤدێریا ئاستێ كۆلیسترۆلی د خوینێ دا بكەن، بۆ هندێ ئاریشە ل دلی دروست نەبن ژئەگەرێ گرتنا خوینبەران دا.
ھەر ب گۆتنا وی نۆشداری، پێدڤیە ساڵانە پشکنینا پزیشکی بکەن و چارەسەریا پێدڤی وەربگرن، ب مەرەما کێمکرنا ئەگەرێ تووشبوونێ ب سڕبوونا ماسولکێن دلی و جەلتا مەژی.