ناڤەندا نووچەیان – سەما
وەزیرێ دەرڤەیێ عیراقێ، د.فوئاد حسێن راگه‌هاند، د وارێ شەڕێ دژی تیرۆرێ دا، بەردەوام د پەیوەندی دا نە دگەل دەستهەلاتا نوی یا سوریێ.
ئاژانسا هەوالێن فەرمی یا عیراقێ بەلاڤکر کو د.فوئاد حسێن پشتی جڤینا دگەل وەزیرێ دەرڤەیێ تورکیا، هاکان فیدان، کۆنگرەیەکێ رۆژنامەڤانی یێ هەڤپشک پێکئینان.
وەزیرێ دەرڤەیێ عیراقێ گۆت: پەیوەندیێن دوقۆلی یێن ناڤبەرا تورکیا و عیراقێ د ئاستەکێ باش دا نە، هەروەسا پشتی سەرەدانا سەرۆک کۆمارێ تورکیا، رەجەب تەیب ئەردۆغان بۆ بەغدا، مە گاڤێن پێشڤەچوونا پەیوەندیێن ناڤبەرا هەردوو وەلاتان شرۆڤە کرن.
هەروەسا د.فوئاد حسێن ئاماژە ب وض چه‌ندێ دا کو جهەکێ بەرفرەهـ یێ کارکرنا پێکڤە د ناڤبەرا عیراق و تورکیا دا د وارێن ئابووری و سیاسی دا هەیە و دیار کر کو دگەل وەزیرێ دەرڤەیێ تورکیا، بەحسێ چارەسەرکرنا رەوشا دەوروبەرێ ناڤبەرا هەردوو وەلاتان کر، بتایبەت چەوانیا مامەلەکرنێ دگەل رەوشا سوریێ.
بەحسێ وێ چه‌ندێ ژی کر، د وارێ شەڕێ دژی تیرۆرێ دا، بەردەوام د پەیوەندی دا نە دگەل دەستهەلاتا نوی یا سوریێ.