ناڤەندا نووچەیان – سەما
پشتى جينۆسايدا ب سه‌رێ ئێزديان دا هاتى ل سه‌ر ده‌ستێ تيرۆرستێن داعشى، ده‌ست ب دروستكرنا پانزينخانه‌يه‌كێ ل ناحيا گرعزێر هاته كرن.
سه‌عيد ته‌ته‌ر، ئێك ژ پشكا پلاندانانێ ل باژێرڤانيا ناحيا گرعزێر بۆ سه‌ما گۆت:” ل سالا 2013 ره‌زامه‌ندى هاتبوو دان بۆ دروستكرنا پانزينخانه‌يه‌كێ ل ده‌ڤه‌رێ، به‌لێ پشتى هێرشا رێكخراوا داعش يا تيرۆرى بۆ سه‌ر شنگالێ ئه‌و بريار هاته سه‌كناندن.”
دبێژت:” پشتى باژێرڤانيێ پرۆژه پێشكێشكرى ره‌زامه‌ندى ل سه‌ر هاته دان و نوكه ده‌ست ب دروستكرنێ هاتيه كرن.”
ناڤهاتى رۆنكر، ئه‌ڤ وه‌ستگه‌ها پانزينێ گرنگيا خۆ هه‌يه،ژبه‌ركو چوو پانزينخانه‌يێن دى ل سنوورێ ده‌ڤه‌رێ نينن و ئێدى شوفێر بۆ وه‌رگرتنا پانزينێ ناچنه ده‌ڤه‌رێن دى.
ناحيا گرعزێر، ئێك ژ ناحيێن مه‌زنه دكه‌فته قه‌زا شنگالێ و ژ روويێ ئيدارى ڤه سه‌ر ب قه‌زا به‌عاج ڤه‌يه.
هێشتا پتريا خه‌لكێ گرعزێر ئاواره‌نه و ژبه‌رنه‌بوونا خزمه‌تگۆزاريان ڤه‌نه‌گه‌رياينه سه‌ر جهـ و وارێن خۆ ڤه.