ناڤەندا نووچەیان – سەما
گرۆپێن چه‌كدار يێن سه‌ر ب توركيێ ڤه، رێگريێ ل ڤه‌گه‌ريانا ئاواره‌يێن ئێزدى بۆ سه‌ر ده‌ڤه‌رێن خۆ ل باژێرێ عه‌فرينێ دكه‌ن.
پشتی ژناڤچوونا رژێما به‌شار ئەسەدى ل سووریێ، ئێزدی دووبارە ڤەدگەرنه سەر جهێن ئاکنجیبوونا خۆ ل گوند و ده‌ڤه‌رێن سه‌ر حه‌له‌بێ و عه‌فرينێ ڤه.
پێنج شه‌مبوويێ، 9ى كانوونا دووێ 2025ێ، جابرجندۆ چالاكڤانێ ئێزدى دبياڤێ مافێ مرۆڤى دا بۆ سه‌ما راگه‌هاند: هه‌ژمارەکا مەزن یا ئێزدیان ل حەلەب و عەفرینێ ئاوارە ببوون و هاتبوونە حەسەکە، نوکە هندەك ژ ئه‌وان خێزانان دووبارە قەستا سەر مال و حالێ خۆ دکەن.
چالاكڤانێ ئێزدى ئاماژه ب وێ چه‌ندێ دا، هێشتا گرۆپێن چەکدار ل عەفرینێ ماینە، ئەڤە بوویە ئەگەر هەموو ئێزدی نكارن ڤەگەرن.
چاڤێ ئێزديان و هه‌موو جيهانێ نوكه ل سه‌ر حكومه‌تا نوو يا سووريێ يه، كو پێكهاته‌يێن ئۆلى به‌شداربن و رۆڵێ خۆ تێدا ببينن و بگه‌هنه مافێن خۆ يێن ده‌ستورى و نه‌ئێنه پشتگوهـ خستن.