ناڤه‌ندا نووچه‌يان – سه‌ما
عەشیرا ھەوێریا كۆمبوون و كۆمه‌كا بريارێن نوو ل دۆر رێكخستنا بيره‌وه‌ريێن جڤاكى ده‌رئێخستن و ژ هه‌وێريێن ده‌رڤه‌ى وه‌لاتى ناگرن.
ل رۆژا ئێك شه‌مبوويێ 16-3-2025ێ، ب ئامادەبوونا کەسایەتی، ریهسپی، رەوشەنبیرێن هەوێریا ل هۆلا هەوێریا ل ناحیا خانکێ کۆمبوون و رێکەفتن ل سەر رێوره‌سمێن داوەت وتازیان و بريار تنێ دێ بۆ هه‌وێريێن هه‌رێما كوردستانێ بن.
سەبارەت نەختێ کچێ:
-1پێگریکرن ب بڕیارا جڤاتا رۆحانيا ئێزدیان کو نەختێ کچا ( ٤٠ ) گرامێن زێری یە.
هەروه‌سا لبەر چاڤ وەرگرتنا ڤان خالان:
-ئەگەر خۆرتەکی کچەک رەڤاند ومالبابا وی چووبنە خواستنا وێ و نەدابنێ ،دێ هەر نەختێ جڤاتا رۆحانی بە کو (٤٠)گرام زێرن.
-ئەگەر خۆرتەکی کچەک رەڤاند و مالبابا وی نەچووبنە خواستنا وێ دێ (٨٠ ) گرامێن زێری بدەتە مالبابا کەچکێ.
-کچا ل وەلات هاتە خواستن ژ دەرڤەی وەلات رە دێ هەر قەلەنێ وێ (٤٠) گرامێن زێری بن.
– کچا ژ دەرڤەی وەلات دهێتە خواستن دێ ل پێ عورف وعەدەتێ وی وەلاتی بن.
2- وەکو کەلتوورێ باب و کالا سەرسبەی ل داوەتا بێتە دانین و خەلات بتنێ کارت بن.(کارت برێکا WhatsApp ژی دروستە).
3- دیاردا پێڤەکرنا پەرە(پارە) ب (بووک وزاڤا)ڤە نەمینت،بەلێ پێڤەکرنا زێرا دروستە.
4- بەردان(طلاق)هەر ئالیێ نەحەق بە دێ بریار بڤی رەنگی بە:
– هەگەر کچ یا نەحەق بە زێڕ و نەخت دێ ل مالا زەلامی بێنە زڤڕاندن.
– بەلێ هەگەر زه‌لام یی نەحەق بە زێر و نەخت دێ ژ کەچکێ رە بن.
5-کریڤاتیا خوونێ دنێڤ هەوێریا خۆ بخۆ دا نەئێتە نوو کرن و ئەوێ هەتا نهۆ ژی هەنە بێنە راکرن ل پێ بریارا جڤاتا رۆحانیا ئێزدیان.
سەبارەت خێرێن مریا:
1-خێرا مری یا فه‌رمى لرۆژا سێ ڕۆژه‌کێ یە و پێنج و هەفت بتنێ یا گرێدایی بە ب مالا مری وکەسوکارا ڤە.
2- چل و سال بتنێ لێزم، کەسوکار ،شێخ و پیر، دەر و جیناربن. هەروەسا چێنابە دوو چل ودوو سال ژمری رە بێتەکرن ئێک ل وەلات و ئێک ل دەرڤەی وەلات ودڤێت بنەمال بریارێ بدە کا ل وەلات بکەن یان ژدەرڤەی وەلات.
3- چوونا سەر تربا(زەهمان) ل ئێڤارا جەژنا سەرسالێ بە وهەروەسا مینا حەمی ئێزدیان ل سبا عیدا بێلندێ ژی دکارن سەرەدانا گۆڕێن مریێن خۆ بکەن لپێ رێوره‌سمێن ئێزدیاتیێ.
4- هەگەر خۆرتەکی یان کەسەکی وەغەرکر بتنێ دەف وشباب یی دەستوورداینە ل پێ حەدو سەدێ ئێزدیان و بریارا جڤاتا رۆحانی و دهۆل و زڕنا گۆننەهە و قەدەغەیە و دهۆل وزڕنا بتنێ یێن داوەت و خۆشیانە.
5- ل دەما ڤەشارتن و حەدوسەدکرنا مری نابت پەرە(پارە) بێنە دانین ل سەر تربا مری و ل پێ قەول و بەیت و باوەریا ئێزدیان گونەهەکا مەزنە.
6- ل دەما رێوره‌سمێن خاک سپاردنێ تەمام دبن، بتنێ سلاڤ و دەست بلندکرن بە ل کەس و کارێن مری ئو ب چ رەنگی دەست و ماچکرن نەبە.
7- ل پێ بریارا جڤاتا رۆحانی ومجێورێ مەزاری نابت ئاڤاهی ل سەر گۆڕا مری بێتە ئاڤاکرن مینا حەمی ئێزدیان.
8- ل رۆژا خێرێ ئانکو ل سێ رۆژکێ نابت(جگارە،فێکی، پەقلاوە، کۆلا وهەر شرینیەک بهێتە دانین.بتنێ ئاڤ ودەو بهێنە دانین هەروەسا ل چل وسالان ژی.
9- ل پاشیڤا مالا مری یی ب دلێ خۆیە چ تشتی دانە.
10- دەمێ دانینا زادێ خێرێ سەعەت (12)نیرۆبە.
11- دەما کەسانێن بیانی دئێنە دەوسا مری(تازیێ)،کەسوکار و تایبەت گەنج رێ ڤەکەن وجهێ خۆ بدنە وان وهەروسا ل دەمێ دانینا سفرا زادی ژی.
12- ل دەمێ ڤەشارتن وحەدو سەدکرنا مری باشترە ژن پشتی هنگێ سەرەدانێ بکەن.
13-هەر ژ چلێ هەتا سالێ مالا مری هەر خێرەکا ژمریێ خۆ رە بکە یێ سەربەستە.
14 -هەگەر کەسەک ل دەرڤەی وەلات وەغەرکر و هەر ل وێ دەرێ هاتە ڤەشارتن و خێر کرن ،بنەمالا وی ل وەلێت یی سەربەست و ئازادن خێرێ بکەن یان نە.
15- هەگەر کەسەکی ژ دەرڤەی وەلات وەغەرکر ژێرە خێروخێرات کرن و جەنازێ وی ڤەگۆهاستنە ئاخا وەلات دێ بتنێ رۆژەکێ دەست نیشان کەن و تازیێ دانن.
16-پشتی چلا مری دئێتە کرن گوندی و خزم وکەسوکار یێ دەستوورداینە ژهەر خۆشییەکێ ڕە مینا(خوازگینی ، داوەت، سونەت….،..).
17- ب هیچ شێوەیەکی نابت رێوره‌سمێن حەد وسەد کڕنا مری بێتە وێنەکرن.
18- پێگریەکا تەمام ب ڤان خالا بێتە کرن و دڤێت شێخ و پیر،کەسایەتی و ریهسپیێن هەوێریان ب ئەرکێن خۆ ڕابن ژبۆ بجهئینانا وان.
19- هۆل ل رۆژا خێرێ ل سەعەت(8)هەشتی سبێ بێتە ڤەکرن.