ناڤەندا نووچەیان – سەما
لژێر دروشمێ ” ژبۆ ژینگەهەکا ساخلەم و کۆمەلگەهەکا پڕی کەسکاتی ” سه‌رۆكاتیا باژێرڤانیا خانكێ هه‌وه‌ك بۆ زێده‌كرنا رێژه‌یا كه‌سكاتیێ و چاندنا دار و نه‌مامان ده‌ستپێكر.
سه‌رۆكاتيا باژێرڤانيا خانكێ بۆ سه‌ما دياركر، دوهى ڕۆژا چارشه‌مبوويێ، ل گوندێ خێراڤایێ ب هه‌ڤكارى ل گه‌ل گرۆپێ ئه‌میر یێ چاندنا داران، هه‌وه‌كا چاندنا داران ئه‌نجامدان و سیمایه‌كێ جوان و ژینگه‌هه‌كێ ساخله‌م پێشكێش كریه و بوویه جهێ سه‌رنج و دلخوشیێ بۆ خه‌لكێ ده‌ڤه‌رێ.
هه‌روه‌سا دياركريه، وه‌كو باژێرڤانی رۆژانه د ئه‌ركێ خودانه ب به‌رده‌وامی كاردكه‌ن ژ بۆ سه‌خبێركرن و جوانكرنا دار و نه‌مام و بژارتن و بژاله‌كرن و كه‌زاختنا دار و چاندنا دارێن جۆراو جۆر.
ل گۆڕه‌ى باژێرڤانيا خانكێ، ئارمانجا وان ئه‌وه رێژه‌يا كه‌سكاتيێ ل سنوورێ ده‌ڤه‌رێ زێده بكه‌ن و داخوازێ ل خه‌لكێ دكه‌ن دار و بارى بپارێزن و تێكنه‌ده‌ن.