ناڤەندا نووچەیان – سەما
ئيرۆ ئێك شه‌مبوويێ 2025-1-19، ئومێد خۆشناو، پارێزگارێ هەولێرێ، ل دیوانا پارێزگەهێ، پێشوازی ل میر حازم تەحسین بەگ، میرێ ئێزدیان کر.
د هه‌ڤديتنێ دا پارێزگارێ هەولێرێ، دگەل بخێرهاتنێ، بەحسێ دیرۆکا پێکڤەژیانا ئاشتیانە یا دناڤبەرا هەموو ئۆل و ئایینێن هەرێما کوردستانێ کر، کو جهێ شانازیێ یە و دوپاتى ل سەر رەسەنایەتیا کوردێن ئێزدی کر.
پاشی هه‌ردو لايان گەنگەشە ل سەر برایەتی و ئاشتی و پێکڤەژیانا دناڤبەرا پێکهاتێن کوردستانێ هاتە کرن و دوپاتى ل سەر پێشڤەبرنا پێکڤەژیانا ئۆلی ل هەرێما کوردستانێ کرن، کو بوویە ناڤەند و نموونا پێکڤەژیانا ئۆلی و نەتەوەیی د دەڤەرێ دا، د ڤی واری دا پارێزگەرێ هەولێرێ دياركر کو هەرێما کوردستانێ و ل ناڤ دا هەولێرا پایتەخت دێ هەر هێلينا پێکڤەژیان و لێبوردەیی و ئاشتەوایی بۆ هەموو پێکهاته‌يان مینت.
ژ ئالیێ خۆڤە میر حازم تەحسین بەگ، ميرێ ئێزديان خواست پترى ئاسانكارى بۆ كاروبارێن ئێزديان ل هه‌ولێرێ بێنه كرن و پێکڤەژیانا ئاشتیانە ل هەرێما کوردستانێ پتر خورت بت و کوردستان هەر د پێشکەفتنێ دا بت.
ئه‌ڤ سه‌ره‌دان ده‌ليڤه‌كا بۆ خورتكرنا هه‌ڤكاريێ دناڤبه‌را لايه‌نێن جودا جودا و بده‌ستڤه‌ئينانا زێده‌تر يا ده‌ستكه‌فتان بۆ ئێزديان ژبۆ دابينكرنا پێدڤيێن وان.