ناڤەندا نووچەیان – سەما
ب مەرەما دانوستاندن ل دۆر رێکەفتنا جڤاتا روحانى یا بلند يا ئێزدیان ل دۆر نەختێ کچێن ئێزدی ل دەمێ بەستنا گرێبەستا هەڤژینیێ، بۆ ڤێ مەرەمێ بنگەهێ لالش تایێ باعەدرێ کۆمبوونا راوێژکاری و ئالۆگریا بیر و بۆچوونان ل هۆلا باعەدرێ یا بیرەوەریا کر.
ب ئامادەبوونا هەموو موختارێن سەنتەرێ ناحیا باعەدرێ و ژمارەکا ریهسپی و رەوشه‌نبیر و نوونەرێ لیژنا ناوچا باعەدرێ یا PDK و تەخ و پێکهاتێن جودا یێن خەلکێ باعەدرێ، کۆمبوون ب ڕێڤەچوو.
ل دەستپێکێ خه‌لات باعەدری، بەرپرسێ بنگەهێ لالش تايێ باعەدرێ رۆنکرن و مەرەما بەستنا کۆمبوونێ ل دووڤ داخوازیا جڤاتا روحانى یا ئێزدیان دا خویاکرن.
لدووڤدا دانوستاندن و پرس و راوێژ ل دۆر بابەتی دناڤبەرا ئامادەبوویان دروست بوو ل سەرچەند خال و پرسێن گرێدایی بابەتی ب مەرەما زەنگینکرنا رێکەفتنا جڤاتا روحانى كو ل 11ی ڤێ هەیڤێ دەرچوویی ل دۆر قەلەنێ قیزێن ئێزدی.