ناڤەندا نووچەیان – سەما
په‌رله‌منتاره‌كێ ئێزدى نڤيساره‌كا فه‌رمى بۆ دامه‌زراندنا 350كه‌سان دچارچووڤێ رێككه‌فتنا شنگالێ دا ئاراسته‌ى وه‌زيرێ ناڤخۆيا عيراقێ دكه‌ت.
په‌رله‌مانتار مه‌حما خه‌ليل، ئه‌ندامێ ئه‌نجوومه‌نێ نوونه‌رێن عيراقێ راگه‌هاند: د گه‌را سێيێ يا دامه‌زراندنا 350كه‌سان دا، ناڤێ چوو كه‌سان ژ پێكهاتێ ئێزدى نه‌هاتى يه به‌روڤاژى هه‌ردو گه‌رێن ئێك و دوێ، بۆ ڤێ مه‌ره‌مێ مه نڤيساره‌كا فه‌رمى ئاراسته‌ى عه‌بدولا شه‌مه‌رى، وه‌زيرێ ناڤخۆيێ عيراقێ كريه.
ئاماژه ب وێ چه‌ندێ دا، وه‌زيرێ ناڤخۆيا عيراقێ رێڤه‌به‌ريا ژێده‌رێن مرۆڤى ل وه‌زاره‌تێ ئاگه‌هداركريه به‌ياننامه‌يه‌كێ بۆ رايا گشتى ڕابگه‌هينن و ب شێوه‌يه‌كى بله‌ز ڤى بابه‌تى چاره‌سه‌ر بكه‌ن.
ل دووڤ رێككه‌فتنا دناڤبه‌را هه‌ولێر و به‌غدا ل دۆر ئاسايكرنا ره‌وشا شنگالێ، بريارا دامه‌زراندنا 2500كه‌سان دسكته‌رێ پۆليسێن ناڤخۆ دا هاتيه دان.