رۆژا ئێكی شوباتێ ل سالا 2004 كارەساتەكا مەزن ب سەر گەلێ كوردستانێ دا هات ل هەولێرا پایتەخت ، و سەلماند كو دوژمنێن گەلێ كوردستانێ ئارمانجا وان ژناڤبرنا دۆزا كوردی یە ، ئەڤ چەندە ژی نامەیەكا ئاشكەرا بوو كو دوژمنێن گەلێ كورد بۆ ژناڤبرنا دۆزا كوردی دهەڤگرتینە، لەوا دڤێ قوناغێ دا هەڤگرتنا پارتێن كوردی پێتڤیەكا دیرۆكی یە بۆ پاراستنا داهاتیەكی پتر سەقامگیر و ئارام بۆ گەلێ كوردستانێ .
هەڤكاریا سیاسی و هەماهەنگیا دناڤبەرا هێزێن كوردی دا بێ گومان دێ بتە ئەگەرێ ب هێزكرنا هەلویستێ سیاسی و پاراستنا مافێن رەوا یێن گەلێ مە و بەرنگاربوونا هەولدانێن ژناڤبرنا ناسناما كوردی . لەورا ئێكگۆتارییا كوردی نە ب تنێ بژارەیەكا بۆ كوردستانیان بەلكو پێتڤییەكا ب لەزە بۆ رووب رووبوونا ئاستەنگێن نۆكە وئاڤاكرنا پاشەرۆژەكا گەش.
ئەڤ كارەساتا كو ل ئێكی شوباتێ روودایی ل دەمەكی بوو كو كوردستان هێدی هێدی د بوو جهێ گرنیپێدانا نێڤدولەتی و نێزیكی دەه سالێن ئێكێ بوون ژئەزموونا دیموكراسی. دڤی ماوەی دا گەلێ كوردستانێ سەلماند كو شیانێن ب رێڤەبرنا هەرێمێ ب باشی هەنە، رەنگە ئەڤ پێشكەفتن و سەربۆرا هەرێمێ ئاستەنگ بوون ل بەر پیلانێن دوژمنێن گەلێ كورد. هەروەسا شەهیدێن ڤێ كارەساتێ باشترین بەلگەنە كو هەموو تاكە كەسێ كورد دچاڤێن نەحەزان دا یەكن چونكی ئەڤ شەهید ژ رێزێن هەردوو پارتێن دیموكراتی كوردستان و یەكێتی نشتیمانی كوردستان بوون، ب ڤی رەنگی گرنگیا ئێكگۆتاریا كوردی بۆ رووب رووبوونا ئاستەگان دیاردبت چونكی چارەنڤیسێ گەلێ كورد ئێكە دچاڤێن نەیاران دا ،لەوا پێتڤی ب هێزكرنا هەڤكاریا سیاسی و جڤاكی هەیە ، بۆ پاراستنا ئایندەیەكی ئارام و سەقامگیر.
ژخودایێ مەزن دخوازین جهێ هەموو شەهیدێن كوردستانێ و رێكا ئازادیێ و ب تایبەت شەهێدێن ڤی َكارەساتێ بەهشتا بەرین بت .
