بابێ شێخ یان ئختیارێ مەرگەهێ شێخێ مەرگەها لالشێ یێ ئێزدیان گشتایە ، جهێ وی شك جیێ مال مەزنا ئێزدیایە ، ئێزدی دبێژن جیێ دەلیلا ، ئێكەم ئیختیار شێخ فەخرێ ئادیان بوو ل سەر سجاتێ روونشتی. دڤێت بابێ شێخ ژ شێخن شەمسانی یە بت ( شێخن شێخ فەخرا )،دەمێ كەسەكی ئێزدی بڤێت بتە قەول بێژ دڤێت دەستوریێ ژ بابێ شێخ وەرگرت.
بابێ شێخ و خلمەتكار و خۆبەخشێن شكەستێن دینی چل رۆژیان دگرن چلێ هاڤینێ و چلێ زڤستانێ دەمێ بۆ ماوێ 20 سالا ب روژی دبن دبیژنێ چلەگرێت شیخادی (چلە گر)، روژێت چلێ هاڤینێ و زڤستانێ بتنێ فەرزن ل سەر بابێ شێخ .
بەهرا بتر ژ رۆژیان ئێزدی لێ دكەنە عید بتنێ ژبلی رۆژا چارشەمبوویێ ، ب شەڤ دێ رابت پاشیڤێ خوت و دوعایایێ كەت و ب روژ بەری نیڤرۆ هندەك دێ لێ كەنە عید ، دێ بەراتێ ل بەرگرن پشتی بەراتێ دێ خوارنێ ( فراڤینێ) خوت ، دبێژنا ڤێ رێ و رەسمێ عیدكرنا بابێ شێخ (چۆنا سەرچلەیی).
ئێزدی دبێژن چلێ شیخادی یە ، بابێ شێخ شوونا شیخادی چلەیی دگرت ، هەر سال شیخادی د چلەخانە لالشێ دا چلێ زڤستانێ و چلێ هاڤینێ روژی دگرتن ، رۆژی ب ئێك مێویژێ دخوار .
