هەر ژ دامەزراندنا خۆ ل 12-5-1993 و هه‌تا نهۆ بنگەهێ لالش كار كریە بۆ ب جیئینانا ئارمانجێت هاتینە دانان ل دووڤ پەیرەوێ ناڤخۆیێ بنگه‌هی و چ جارا درێغی نەكریە بۆ خزمەتا گەل و وەلاتێ خۆ كوردستانێ ئێزدی كوردێن رەسەنن ئه‌وژی لژیر ل ژێر دروشمێ (لالش كانیەكا زەلالە دهۆرتە د رۆبارێ رەوشەنبیریا كوردی دە) كاركریه، لەوما یە فەرە دیرۆك و كلتوورێ وان بهێتە پاراستن و تۆماركرن و بنگەهی كار و بزاڤ و چالاكیێت بەردەوام كرینە و هەتا نهۆ خەبات یە بەردەوامە ئەڤەژی چەند خالێن گرنگێن ڤێ خەباتێ نه:
١ـــ دەرخستنا گۆڤارا لاش یا ئەكادیمی یا وەرزی و نها 54 ژمارە هاتينه وەشاندن.
٢ـــ رۆژناما دەنگێ لالش یا حەفتیانە ب زمانێ كوردی و عەرەبی كو بتر ژ 610 ژماران هاتینە دەرخستن.
٣ـــ سایتەكی پێشكەتی هەیە بناڤێ lalish media network و تۆرا لالش یا راگه‌هاندنێ ب زمانێ كوردی ب پیتێن ئارامی و لاتینی و عه‌ره‌بی وه‌شانا خوه دكه‌ن.
٤ـــ هەشت گۆڤارێن تایا یێن شەش هەیڤی دهاتنە چاپكرن.
٥ـــ ب دەهان سیمینار وۆرك شوپ و ڤیستەڤالێن كەلتووری و وەرزێن رەوشەنبیری و دیبەیتێن لالش و خۆلێن رەوشەنبیری و پیشانگەهـ و كۆنفراسێن زانستی ل دۆر ناساندنا ئێزدیاتی و كەلتوور و مێژوو و جوگرافتا ئێزدیان هاتینە گێران.
٦ـــ ئەرشیفەكی هەری باش هاتیە كۆمكرن ژ قەول و تێكست و رێ ورەسمێن دینی و جڤاكی و نەتەوەیی و روودانێن دل تەزتن ل فەرمانا حەفتی و چارێ هاتینە سەرێ ئێزدیان و ب تایبەت ل شنگالێ.
٧ـــ دیسا كەل وپەلێن باش هاتینە كۆمكرن و پاراستن د مۆزەخانەكا پێشكه‌فتی دە.
٨ـــ ڤەكرنا سایتەكی تیلەفزیونی ب ناڤی sema tv.
٩ـــ دانانا هاریكاریێن مادی بۆ ئەوان كەسێن ژ دەستێ تووندرەوێن داعش رزگار بووین.
١٠ـــ ب هاریكاریا بنگەهێ لالش خوەندنا پرۆگرامێ ئێزدتایێ ل هەموو قوتابخانیێ دەڤەرێن ئێزدی نشین دهێته خواندن.
سوپاس بۆ حكومەتا هەرێما كوردستانێ و پشتەڤانیا وێ یا بەردەوام بۆ بنگەهێ لالش.
دووباره پیرۆزبت 32 سالیادامەزراندنا بنگەهێ لالش و هەر د سەركەفتی بن