سەما تیڤی

ل ژێر دروشمێ “کەلتوورێ مە سەرەکانیا ڕەسەناتیا مەیە” ڤیسته‌ڤالا لالش دێ ئێتە ل دارخستن

ناڤه‌ندا نووچه‌یان – سه‌ما
برياره‌ سبه‌ى ڕۆژا شه‌مبوويێ 15ى شوباتا 2025ێ، ڤيسته‌ڤالا لالش يا ره‌وشه‌نبيرى يا سالانه‌ ب چه‌ندين برگێن جۆرا وجۆر بێته‌ گێڕان.

ڤيسته‌ڤالا لالش يا ره‌وشه‌نبيرى 2025ب پشته‌ڤانى يا رێزدار مه‌سرور بارزانى، سه‌رۆكێ حكومه‌تا هه‌رێما كوردستانێ، ل ژێر دروشمێ “کەلتوورێ مە سەرەکانیا ڕەسەناتیا مەیە”، ل ده‌مژمێر 10ى سپێدێ ل هۆلا كۆنفرانسان ل زانكۆيا دهۆكێ دێ ئێته‌ گێڕان و چه‌ندين برگه‌يێن كه‌لتوورى و فلكلۆرى يێن هه‌مه‌جۆر دێ ئێنه‌ پێشكێشكرن.

سەبارەت هاتنا مێهڤانان، پتريا مێهڤانێن دێ ل ڤيسته‌ڤالێ دا به‌رهه‌ڤ بن، يێن ناڤخۆيا هه‌رێما كوردستانێ نه‌.

ڤيسته‌ڤالا لالش يا ئيساله‌ گرنگيا خۆ هه‌يه‌ و جودايه‌ ژ سالێن بۆرى و په‌نه‌لێن تايبه‌ت و جياواز بخۆ ڤه‌ دگرت، هه‌روه‌سا ده‌ربرينێ ژ كه‌لتوور و فلكلۆرێ باب و كالان دكه‌ت، كو چه‌ند زه‌حمه‌تى ديتيه‌ هه‌تا گه‌هاندينه‌ ڤێ قۆناغێ و پاراستينه‌.

ڤيسته‌ڤالا لالش سالانه‌ دئێته‌ ل دارخستن و وه‌كو پێناسه‌يه‌كێ يه‌ ژ روويێ كه‌لتوورى و فلكلۆرى ڤه‌ بۆ ئێزديان دئێته‌ دانان.

بنگەهێ لالش 38 تايى و نڤيسينگه‌هـ ل سه‌رتاسه‌رى ده‌ڤه‌رێن ئێزديان و زێده‌ترى شه‌ش هه‌زار ئه‌ندامان هه‌نه‌.

ئێزدى خودان كه‌لتوور و فلكلۆره‌كێ ڕه‌سه‌ن و پڕى ده‌وله‌مه‌ند و زه‌نگينن، سه‌ربارى ئه‌وان فه‌رمانێن بسه‌رێ ئێزديان دا هاتين هه‌تا نوكه‌ ئه‌و فلكلۆر پاراستينه‌ و سالانه‌ ب ڕێكا ڤيسته‌ڤالێن ره‌وشه‌نبيرى و فلكۆرى زيندى دكه‌ن.

><