ناڤەندا نووچەیان – سەما
ئەڤێ هەفتییێ لیستا مووچەیێ هەیڤا تەمموزێ دێ ئێتە ڕەوانەکرن بۆ بەغدا و د چەند ڕۆژێن بێت ژی دا مووچەیێ فەرمانبەرێن گرێبەست دێ ئێتە بەلاڤ کرن.
ژێدەرەکى ژ وەزارەتا دارایی و ئابۆری یا حکومەتا هەرێما کوردستانێ بۆ کوردستان24 ڕاگههاند، ئەڤێ هەفتییێ لیستا مووچەیێ هەیڤا تەمموزێ یێ مووچەخۆرێن هەرێما کوردستانێ دگەل تەرازویا پێداچۆێ (ميزان المراجعة) دێ بۆ وەزارەتا دارایی یا فیدڕال ئێتە ڕەوانەکرن.
گۆتژی: دگەل بەغدا ل سەر هێلن، داکو بشێن ڕێکارێن هوربينيا لیستا مووچەیى و تەرازویا پێداچۆنێ ب لەزاتی ب داوی بینن و مووچە د دەمێ خۆ دا بێتە بەلاڤ کرن.
دەربارەی دەمێ بەلاڤکرنا مووچەیێ فەرمانبەرێن گرێبەست و ئەوێن ل سەر داهاتێ ناڤخۆ مووچەیى وەردگرن، وی ژێدەرێ وەزارەتا دارایی ئاشكرا كر، هەموو بزاڤ هاتینە هاڤێتن داکو داهات بێتە کۆمکرن و د پاشەڕۆژەکا نێزیک دا مووچەیێ فەرمانبەرێن گرێبەست بێتە بەلاڤ کرن.
هەروەسا ڕاگەهاند، بزاڤێن وەزارەتا دارایی ب تەمامی هاتینە چڕکرن داکو مووچەیێ فەرمانبەرێن گرێبەست بتر پاشنەکەڤت و ئەگەر هەیە هەفتیيا بێت مووچەیێ وان فەرمانبەرێن ل سەر داهاتێ ناڤخۆ بێتە بەلاڤ کرن.
بتر ژ 42 ههزار مامۆستایێن گرێبەست یێن وەزارەتێن پەروەردە و خواندنا بلند ل سەر داهاتێ ناڤخۆ یێ هەرێما کوردستانێ مووچەیى وەردگرن و هەیڤانە پێتڤی ب نێزیکی 25 ملیار دیناران هەیە، د هەمان دەم دا، تمامیيا وان فەرمانبەرێن گرێبەست و هەمیشەیی ژی دێ مووچەی وەرگرن ئەوێن پشتی ئێکى تەمموزا 2024ێ هاتینە دامەزراندن.