ناڤەندا نووچەیان – سەما
سەرۆکێ حکومەتا هەرێما کوردستانێ، د سالڤەگەڕا شۆڕەشا مەزن یا ئەیلوولێ دا دوپاتی ل ئێکدەنگی و هەڤهەلویستییا هێز و لایەنێن کوردستانێ ژ پێخەمەت پاراستن و پێشڤەبرنا زێدەتر یا قەوارێ دەستوورییێ هەرێما کوردستانێ و دەستکەفتێن مە یێن نیشتمانی کر.
ئیرۆ ئینیێ، 11ـی ئەیلوولا 2026، مەسرور بارزانی، سەرۆکێ حکومەتا هەرێما کوردستانێ ب هەلکەفتا 65هـەمین سالیادا دەستپێکرنا شۆڕەشا ئەیلوولێ پەیامەک بەلاڤ کر.
د پەیاما سەرۆکێ حکومەتا هەرێما کوردستانێ دا هاتییە:
د 65هەمین سالڤەگەڕا دەستپێکرنا شۆڕەشا مەزنا ئەیلوولێ دا، ب ڕابەرایەتییا ڕابەرێ نیشتمانێ مە جەنابێ بارزانییێ نەمر، ب پێزانینەك زۆر ڤە، یادا هەمی ئەوان پێشمەرگە و خەباتکەران و هەمی بەشدارێن ئەوێ شۆڕەشا جەماوەری و سەرتاسەری یا کوردستانێ دکن کو هەمی پێکهاتەیێن ئایینی و نەتەوەیێن کوردستانێ بەشداری تێدا کر و چەندین دەستکەفتێن مێژوویی ب دەست ڤە ئینان، گرنگترینا وان نەچارکرنا ڕژێما عیراقێ بی کو د چارچووڤەیێ ڕێککەفتنا یازدەیی ئادارا ١٩٧٠ دان ب مافێن گەلێ کوردستانێ دانت.
د ئەڤێ یادێ دا تەکەزێ ل ئێک دەنگی و هەڤهەلویستییا هێز و لایەنێن کوردستانێ ژ پێخەمەت پاراستن و پێشڤەبرن زێدەتر یا قەوارێ دەستوورییێ هەرێما کوردستانێ و دەستکەفتێن مە یێن نیشتمانی دکن.
سالڤەگەڕا شۆڕەشا مەزنا ئهیلوولێ پیرۆز بت و سلاڤ ل گیانێ شەهیدێن شۆڕەشا ئەیلوولێ و هەموو شەهیدێن کوردستانێ