ناڤه‌ندا نووچه‌یان – سه‌ما
نڤيسینگەها ڕزگارکرنا ڕه‌ڤانديێن ئێزدی ژ دەستێ داعشێ نووترين ئامارا رزگاربوويان ڕاگەهاند.
ژ ئه‌نجامێ هێرشا رێكخراوا داعش يا تيرۆرستى بۆ سه‌ر شنگالێ ل ته‌باخا 2014ێ 6417 كچ و ژن و زارۆك و زه‌لام يێن ئێزدى ژلايێ تيرۆرستان ڤه هاتنه گرتن.
حسێن قائیدی، به‌رپرسێ نڤيسینگەها ڕزگارکرنا ڕه‌ڤانديێن ئێزدی ژ دەستێ داعش، ئيرۆ ئێك شه‌مبوويێ 16ی شوباتا 2025ێ، بۆ سه‌ما گۆت: نڤيسینگەهـ ل سه‌ر بزاڤ و لێكۆلينێن خۆ ده‌رباره‌ى ڤه‌گەڕيانا ره‌ڤانديێن ئێزدی يا بەردەوامە، تا ئيرۆ رۆژ سێ هەزار و 585 کەس هاتينه رزگاركرن.
قائيدى ئاماژه ب وێ چه‌ندێ دا، ب پشته‌ڤانى يا حكومه‌تا هه‌رێما كوردستانێ، هه‌تا ئێك ره‌ڤاندى مابت ئه‌و ناراوه‌ستن و دێ رزگار كه‌ن و ڤه‌گه‌ڕينه ناڤ كه‌سوكارێن وان.
هێشتا چاره‌نڤيسێ زێده‌ترى 2 هه‌زار ره‌ڤانديێن ئێزدى د ده‌ستێ داعشێ دا يێ ديارنينه و بێ سه‌روشوونن.