سەرۆک بارزانی د پەیامەکێ دا ب هه‌لكه‌فتا 72مین سالڤەگەڕا دامەزراندنا هەردو ڕێکخراوێن ئێكه‌تییا قوتابییان و ئێكه‌تییا لاوێن دیموكراتا كوردستانێ پەیامەکا پیرۆزباهیێ ئاراستەی هەردوو ڕێکخراوان کر.
د ڤێ ڕۆژێ دا سەرۆک بارزانی چاڤه‌ڕێيه قوتابى و لاوێن كوردستانێ پابه‌ندى بهایێن بلندێن ڕێبازا كوردایه‌تی و نشتیمانییێ بن، د هه‌مانده‌مدا ب چه‌كێ زانست و داهێنانێ كار بۆ پێگه‌هاندنا گه‌نج و لاوێن باوه‌رى بخۆ هەی بكه‌ن.
هەروەسا دوپاتكر، ئێكه‌تییا قوتابى و لاوێن كوردستانێ هه‌رده‌م جهێ ئومێدێنه و دڤێت هه‌رده‌م ل ئاستێ چاڤه‌رێیا جڤاكى و دوزا ڕه‌وا یا گه‌لێ كوردستانێ بن.
ئه‌ڤه ژى ده‌قێ په‌ياما سه‌رۆك بارزانى يه:
ب ناڤێ خودایێ دلۆڤان و میهرەبان
ب هه‌لكه‌فتا هەفتى و دووه‌مین سالڤەگەڕا دامەزراندنا ئێكه‌تییا قوتابیان و ئێكه‌تییا لاوێن دیموكراتا كوردستانێ، گەرمترین پیرۆزباهیێن خۆ ئاراستەی هەردوو سکرتاریەتا قوتابى و لاوان و هەموو قوتابى و لاوێن خۆشتڤی یێن کوردستانێ دکەم و هیڤیا سەرکەفتن و بەردەوامیێ بۆ دخوازم.
قوتابى و لاوێن کوردستانێ هەر ژ دەمێ دامەزراندنا ڕێکخراوا خۆ و د قۆناغا شۆڕەشا ئەیلوولێ دا هەتا نوکە ڕۆلەکێ بەرچاڤ د خەباتا گەلێ مە دا هەبوویە، هەردوو ڕێکخراو قوتابخانەیا پێگەهاندنا ڕۆلەیێن هشیار و ئازا و سەرکردەیێن ب شیان و، جهێ پەروەردەبوونا هێز و هەناسەیێن نوی بوونە بۆ بزاڤا ڕزگاریخوازا کوردستانێ. لاو و قوتابيان د ڕێکا خەبات و تێکۆشانا خۆ دا شەهید و قوربانی دانە.
د ڤێ ڕۆژێ دا سەرۆک بارزانی چاڤه‌ڕێيه قوتابى و لاوێن كوردستانێ پابه‌ندى بهایێن بلندێن ڕێبازا كوردایه‌تی و نشتیمانییێ بن، د هه‌مانده‌مدا ب چه‌كێ زانست و داهێنانێ كار بۆ پێگه‌هاندنا گه‌نج و لاوێن باوه‌رى بخۆ هەی بكه‌ن. ی ئێكه‌تییا قوتابى و لاوێن كوردستانێ هه‌رده‌م جهێ ئومێدێنه و دڤێت هه‌رده‌م ل ئاستێ چاڤه‌رێیا جڤاكى و دوزا ڕه‌وا یا گه‌لێ كوردستانێ بن.
دووبارە پیرۆزباهیان ل هەوە دکەم و بمینن ب خێر و خۆشی
مەسعود بارزانی
18ى شوباتا 2025