سه‌رۆكوه‌زيران مه‌سرور بارزانى ل ڕۆژا زمانێ دایکێ دا دبێژت: ڕۆژا جیهانییا زمانێ دایکێ ل گشت کوردستانییان پیرۆز دکەم. زمانێ کوردی زمانێ سەرەکی و فەرمییێ هەرێما کوردستانێ یە.
ئينيێ 21ى شوباتا 2025ێ، سه‌رۆكوه‌زيران مه‌سرور بارزانى، ل تۆڕا کۆمەڵایەتى يا(ئێکس) پەیامه‌ك ب هه‌لكه‌فتا ڕۆژا جیهانی یا زمانێ دایکێ به‌لاڤكر.
دەقێ پەیاما مەسرور بارزانی:
ڕۆژا جیهانییا زمانێ دایکێ ل گشت کوردستانییان پیرۆز دکەم. زمانێ کوردی زمانێ سەرەکی و فەرمییێ هەرێما کوردستانێ یە و ل دووڤ دەستوورێ عیراقێ ژی، ئێک ژ هەردوو زمانێن فەرمییێن عیراقێ یە. ژبەرهندێ پێشڤەبرنا زمانێ کوردی ئەرکێ هەر کوردستانیەکییە، ب تایبەت دامەزراوێن حکومەتا هەرێما کوردستانێ و دەزگەهێن ڕەوشەنبیری و زانستی و ئەکادیمی یێن مە، پێدڤییە گرنگی و بایەخەکا زۆر ب زمانێ کوردی بدەن. ژبەركو زمانێ مە، بنەمایەكێ گرنگ و سەرەکییێ هەبوون و ناسناما نەتەوەیی و نیشتمانی یا مەیە. د ڤێ هەلکەفتێدا، حکومەتا هەرێما کوردستانێ، پابەندبوونا خۆ ب گرنگیدان ب زمانێ هەموو پێکهاتێن نەتەوەیییێن گەلێ کوردستانێ ژی دووپات دکەت.
