ناڤەندا نووچەیان – سەما
پەرلەمانتارەکێ ئێزدی ل ئەنجوومەنێ نوونەرێن عیراقێ زانیارییان ل دۆر بەشداریا بەرپرسێن عیراقێ د جینۆسایدا ئێزدیان دا ئاشکرا دکەت.
شەمبوویێ، 22ی شوباتا 2025ێ، مەحما خەلیل، ئەندامێ فراكسيۆنا پارتى ل پەرلەمانێ عیراقێ د کۆنگرەیەکێ رۆژنامەڤانی دا راگەهاند: هێشتا دادپەروەریا جڤاکی ل شنگالێ بجھ نەهاتیە و دەڤەر یا وێرانە و ئاڤەدانیێ دەست پێ نەکریە و خه‌لك ژى نه‌هاتيه قه‌ره‌بووكرن.
دەربارەی ياسايا لێبوورينا گشتى، پەرلەمانتارێ ئێزدی، دبێژت: ” ئەو کەسێن خەلکێ شنگال کوشتین نابت بێنە ئازادکرن مە سکالا دڤێ کەیسێ دا تۆمارکریە و داخواز کریە هەر کەسەکێ دەستێ خۆ دخونا خەلکێ شنگالێ دا هەبت نابت یاسايا لێبوورینا گشتی ژی بگرت و پێدڤیە هەموو تاوانبارێن کەیسا شنگالێ بگەهنە سزایێ خۆ”.
مەحما خەلیل باس ل وێ چه‌ندێ ژى كر، هێشتا جينۆسايدا ئێزديان ل سه‌ر ده‌ستێ تيرۆرستێن داعشێ يا به‌رده‌وامه و هنده‌ك به‌رپرسێن عيراقێ هه‌ڤپشك و به‌شدارى جينۆسايدا بوون.
هه‌روه‌سا گۆتژى: ڤه‌گوهاستنا خێزانێن داعشێ ل كه‌مپا هۆلێ و ده‌ربازكرنا وان دناڤا ئاخا شنگالێ دا بۆ كه‌مپا جه‌دعه ل مووسلێ، بێرێزيكرنه هه‌مبه‌رى ئێزديان دئێته كرن.