ل چاردەيى مەھا سباتا رۆژھەلاتى وەرزێ زڤستانێ ب داوى دئێت و دبتە وەرزێ بەھارێ ل(٢/٢٨)ى زاينيى، ژبەركو مەھا سباتێ د حسابا رۆژهەلاتی نيڤەك زڤستانە و نيڤەك بەھارە، عنتەر رۆژەكێ ژ مال دەركەفت دنيا گەرم بوو رۆژەکا گەلەک خۆش بوو دنيا گەلەك یە گەرم بوو بەرێ خۆ دا دەشتێ و گەريانەك ل ئاقارێ گوندێ كر، ديت تەير و تەوال يێ پوش و پالی خرڤەدكەن و تەيرەكى بناڤێ (تيتى) ھێلينا خۆ يا دروست كرى و ھيكێن كرين ، عنتەرى ژى بەرێ خؤ دا هێلینا تیتی و هیکێن کرن، وەسا ھزر كر زڤستان خلاس بوو مادەم ( باڵندە) تەیرا هیك كرينە ، رابوو ھاتە مال و دگەل بابێ خۆ ئاخڤى، گۆتێ باب سبه‌ى دێ پەزێ خۆ بەين زۆزانا و دێ رابين كاروبارێ خۆ كەين؟ بابێ عنتەرى گۆتێ كوڕێ من ھێشتا ڕۆژەك زڤستان يامايى بلا سبه‌ى ژى دەرباز بت بخێر كارو بارێ خۆ بكە و ھەرە ، بەلێ فايدە نەكر عنتەرى گۆتە بابێ خۆ ڕۆژەك و شەفەك يێت ماین خۆ دنيا خراب نابت سبه‌ى دێ پەزێ خۆ بەين ودێ چين، ھندى بابێ وى گۆتێ كوڕێ من دا زڤستان خلاس بت ئەڤ ڕۆژ و شەڤ گەلەكن ل حسابا زڤستانێ يەعنى سالەك و زەمان يێت ماين فايدە نەكر ، ل ھێڤارا ١٣ى سباتێ ھێشتا ڕۆژەك ماى زڤستان يەعنى ل (٢/٢٧)عنتەرى گۆتە بابێ خۆ دڤێت ب رێبكەڤين ئەو فەرمان ل بابێ خۆ كر تەرش و تەوالێ ھەموو خرڤەكرن و کاروبارێن خۆ كرن، سبەيكێ زوو دانە ڕێ ژ گۆتنا بتر ژ دەھ كەريێن پەزى ھەبوون و چەندين دەوار و مەھین و ئاژەلێن ديتر ھەبوون، سبەيكێ ھەموو بكاركرن و بەرێ خۆ دان زۆزانا بۆ كۆچەريێ و چێراندنا پەزێ خۆ و ب رێكەفتن، ب شەڤ سەقا ھاتە گوھۆڕێن و بەفر و بارانێ لێكر و تەنگاف بوون سەقا ساربوو بەفرەكا زۆر ھات و ڕێكا وان ھاتە گرتن و تەرش و تەوالێ وان كەتە بن بەفرێ و سڕ و سەقەمێ لێ دا ھەتا بەرێ سبەيكێ ھەموو ئاژەلێ وان دناڤ بەفرێ دا مرن، ژ نەچارى عنتەری زگێ دەوارێن خۆ كەلاشتن و خۆ دناڤ زگێ حێشترا دا پاراستن بس دا گيانێ خۆ ب پارێزت و نەمرت ، پشتی عنتەر چوویە د زگێ حێشترێ دا ڕابوو ڕمەك ل بەر خۆ چقاند و زەنگلەك ب سەرێ رمێ ڤە دانا دا تشتەكى ژ رەوشا سەقايى ب زانت ، دبێژن ھەتا بەرێ سبه‌يكێ ھەفت جارا بەفر بارى و د بوو ساھى دەمێ بەفر دبارى زەنگل نەدھژيا و دەنگ ژێ نەدھات دەمێ بەفرێ بەتال د كر دەنگێ زەنگلێ د ھات عنتەرى زانى چەند جارا بەفر ھاتيە و چەند جارا بوويە ساھى ، بەرێ سبەيكێ ڕۆژا ئێكێ ژ بەھارێ بەفر و باران سەكنى و رۆژھەلات و ڤەگەريا مال دەست ڤالا بەس مرۆڤ د ساخبوون و تەرش و تەوالێ وان ھەموو مرن، دەمێ نێزیكی مال بووین و گەھشتین ئاقارێ گوندی گۆتن دا ئەم بچين بەرێ خۆ ب دەين وى تەيرى و ھێلينا وى كا چى بسەرێ وان ھاتيە چوون ديتن تەيرێ (تيتێ )ل ناڤ ھێلينا خۆ يێ رەق بوويى و مريا ، ئەڤ جار عنتەرى گۆتێ (تيتكێ تيتانە تە مالا خۆ خرابكر و مالا من ل جەم يا خودانى) و ھاتن مال ب دلەكێ پر خەم و كۆڤان عنتەرى دوو ژن ھەبوون ئێك كچ مام بوو و ئێك يا بيانى بوو، ھەر دو ھەڤژینێن عنتەری دلسۆزی و خەمخۆریا خۆ دەربڕین و ئێكێ بتر یا دی خۆ دا پێش كو دلێ وێ بتر ب عنتەری ڤە بوو ، عنتەرى پرسيارەك ژ ھەڤژينێن خۆ كر گۆتە وان دلێ كێژ ژ وە ب مەڤە بوو ئەز دزانم دێ پڕسیارەکێ ژ وە کەم ، كيژ وە دزانت جەند جارا بەفر ھاتيە و چەند جارا بوويە ساھى ؟ ژنا بيانى گۆت بخودێ ئەز نزانم چەند جارا بەفر ھاتیە بەلێ تشتێ ئەز دزانم بەفر ھەوە ژ ھێڤارى ھەتا سبه‌يكێ دئێت، دوتماما عنتەرى گۆت پسمام ئەز نەرازيمە ھەتا بەرێ سبەيكێ ھەفت جارا شەڤێدى بوويە ساھى و ھەفت جارا بەفر ھاتيە عنتەرى گۆت دۆتمام ڕاست بێژى ، ئەڤ جار ھەتا نھۆ د حسابا مەدا دبێژن ھەتا ڕۆژك زڤستان مايە دڤيا عنتەرى ل بيرا خۆ بينن و حسابا زڤستانێ بكەن، لەوا ئەم دبێژين ھەتا مەھا ڕەش ل ناڤ مەھانە نەچە كۆچەرى و زۆزانا.
